ផ្ទះ ព័ត៌មានសិល្បៈ និងកម្សាន្ត មាស សុខសោភា ន...

មាស សុខសោភា និងតារាល្បីៗ ធ្វើឲ្យកក្រើកព្រៃនប់ ខេត្តព្រះសីហនុ

0

កាលពីរាត្រីយប់ថ្ងៃទី៩ មករា នៅក្នុងទីតាំងពឃុំអូរឧកញ៉ាហេង ស្រុកព្រៃនប់ ក្នុងខេត្តព្រះសីហនុ ដែលជាទីតាំងបើកសម្ពោធរបស់ក្រុមហ៑ុនបុរីវីអាយភី គេឃើញមានការប្រគំតន្ត្រី ចូលរួមសុទ្ធតែតារាល្បីៗតែម្ដង ដោយធ្វើឲ្យផ្អើលដល់ទីតាំងនោះមិនអន់ឡើយ។ មហាជនយ៉ាងច្រើនកុះករ ត្រូវគេឃើញមកចោមរោមតារាល្បីៗ ខណ:ដែលក្នុងពិធីនោះ ក៍មានរៀបចំតុជប់លៀងទទួលភ្ញៀវដល់រាប់ពាន់នាក់ ដើម្បីឲ្យទស្សនាការប្រគំតន្ត្រីនោះ ដល់ពាក់កណ្ដាលអធ្រាត្រ។

វត្តមានតារាល្បីៗ នៅក្នុងថ្ងៃនោះរួមមាន លោក សុះ ម៉ាច កញ្ញា មាស សុខ សោភា នាយពែកមី ឌីជេកាកា លោក ណូយ វណ្ណេត នាយចឺម លោក ម៉ៅ ហាជី កញ្ញា ឌួង ហ្សូរីដា លោកហេរ៉ូ កញ្ញារ៉ាប៑ី កញ្ញាវិរ:និច្ច លោកឈឿន ឩត្តម និងតារាល្បីៗជាច្រើនរូបទៀត។ នៅក្នុងថ្ងៃនោះ តារាយុវវ័យរួមមាន កញ្ញា មាស សុខសោភា កញ្ញារ៉ាប៑ី នាយចឺម និង វិរ:និច្ច មិនត្រឹមតែបង្អួតសម្រស់ ដើម្បីប្រជែងប្រជាប្រិយភាពគ្នាប៉ុណ្ណោះទេ អ្នកទាំងនោះ ក៍បង្អួតក្បាច់រាំគ្នាឡើងផ្អើលពិធីសម្ពោធបុរីវីអាយភីនៅក្នុងយប់នោះផងដែរ។

គួរបញ្ជាក់ថា គម្រោងសម្ពោធបុរីរបស់អ្នកវិនិយោគក្នុងស្រុកជាទ្រង់ទ្រាយធំនេះ ថ្នាក់ដឹកនាំខេត្តបានសរសើរពីគម្រោងនេះ។ លោក ហេង ប៑ុនទី មេបញ្ជាការកងរាជអាវុធហត្ថខេត្តព្រះសីហនុ តំណាងឯកឧត្តម យន្ត មីន អភិបាលនៃគណអភិបាលខេត្តព្រះសីហនុ បានគូសបញ្ជាក់ថា ខេត្តព្រះសីហនុ មិនអាចខ្វះការចូលរួមវិនិយោគពីអ្នកវិនិយោគទុន ក្នុងស្រុកបានទេ ដើម្បីឲ្យការវិនិយោគទាំងមូលមាននិរន្តភាពច្បាស់លាស់ ហើយរឹងមាំ។ លោកថា តំបន់ទេសចរណ៍ពិតជាត្រូវការបំផុត រាល់ការវិនិយោគពីសំណាក់ជនបរទេស ប៉ុន្តែបើគ្មានគម្រោងតូចធំ របស់ក្រុមវិនិយោគក្នុងស្រុក ក៍មិនមែនជាសេចក្ដីត្រូវការរបស់ខេត្តនោះដែរ ដោយសារតែក្រុមអ្នកវិនិយោគក្នុងស្រុក ទើបយល់ពីសេចក្ដី ត្រូវការរបស់អតិថិជនក្នុងស្រុក បានច្បាស់លាស់ជាងបើធៀបនឹងការវិនិយោគរបស់ជនបរទេស។

លោកទទូចឲ្យអ្នកទេសចរណ៍ដែលចង់បានផ្ទះស្នាក់នៅ នៅខេត្តព្រះសីហនុ និងក្រុមពលរដ្ឋរស់នៅក្នុងខេត្តព្រះសីហនុទាំងមូល ទិញសំណង់របស់បុរីវីអាយភីឲ្យបានរួសរាន់ ដើម្បីទទួលបានប្លង់ល្អ ដោយសារតែគម្រោងរបស់ក្រុមហ៑ុននេះ សាងសង់ក្នុងទីប្រជុំជនស្រុកព្រៃនប់ ដែលងាយចំណេញក្នុងរយ:ពេលមួយខ្លី ស្របពេលដែលគម្រោងទាំងមូល ក្រៅពីក្លាយជាក្រុងរណបទ្រង់ទ្រាយធំប្រចាំខេត្ត ក៍ជាតំបន់ដែលមានទីតាំងតែប្រមាណ៧គីឡូម៉ែត្រ ពីព្រលានយន្តហោះខេត្តព្រះសីហនុ ដែលលោកបញ្ជាក់ថា គឺមិនលើសពី២ឆ្នាំទៀតទេ ដីផ្ទះនៅក្នុងតំបន់នេះ នឹងថ្លៃដូចមាស ព្រោះក្នុងរយ:ពេលថ្មីៗ ទឹកដីខេត្តព្រះសីហនុ បានទទួលគម្រោងអភិវឌ្ឍន៍ច្រើនណាស់ ដែលត្រៀមលេចចេញរូបរាងនៅជុំវិញបរិវេណព្រលាន។

លោក វ៉ន វណ្ណ: អគ្គនាយកក្រុមហ៑ុនVIP បានថ្លែងបញ្ជាក់ថា មូលហេតុដែលលោកបើកការប្រគំតន្ត្រីជាទ្រង់ទ្រាយធំនៅក្នុងថ្ងៃនោះ គឺដើម្បីឲ្យពលរដ្ឋបានសប្បាយ និងបានប្រកាសឲ្យដឹងពីគម្រោងដ៍មានសក្កានុពលរបស់ VIP នៅខេត្តព្រះសីហនុផង បន្ទាប់ពីក្រុមហ៑ុន ក៍បានបុកគ្រឹះសាងសង់ខុនដូកម្ពស់១៧ជាន់ នៅកណ្ដាលក្រុងព្រះសីហនុកាលពីប៉ុន្មានខែមុនដែរ។ គម្រោងនេះ គ្រោងប្រើទុន១២០លានដុល្លារ ដោយមានសំណង់ផ្ទះបីប្រភេទសរុបជាង៤ពាន់ល្វែង មានទាំងផ្សារ និងសួនលម្ហែកាយ លើផ្ទៃដីសរុបជាង៦០ហិកតា ដោយតាមផែនការនឹងពង្រីកឲ្យដល់ជាង១០០ហិកតារ ដើម្បីបំពេញតម្រូវការ។

លោក ហម រ៉ន ដៃគូហ៑ុនមួយរូបទៀតរបស់បុរីវីអាយភី បានថ្លែងបញ្ជាក់ថា គិតត្រឹមថ្ងៃបើកសម្ពោធបុកគ្រឹះសាងសង់ សំណង់នៅបុរីVIP ក្នុងខេត្តព្រះសីហនុ លក់អស់ជាង១ពាន់ល្វែងហើយ ដោយក្នុងនោះអ្នកទិញភាគច្រើន គឺអ្នកនៅភ្នំពេញ និងនៅខេត្តកំពត។ សំណង់បុរីនេះ នឹងផ្ដោតជាសំខាន់ លើពលរដ្ឋដែលមានចំណូលមធ្យម និងក្រោមមធ្យម ដោយតម្លៃមានចាប់ពីជាង២មុឺនដុល្លារ ហើយធានានូវគុណភាពសំណង់ពាក់ព័ន្ធនឹងរឿងប្រេះ និងជ្រាបទឹក មិនឲ្យមានបញ្ហា ដើម្បីបង្កើនទំនុកចិត្តចំពោះអតិថិជន៕

Loading...

Leave a Reply

This site uses Akismet to reduce spam. Learn how your comment data is processed.