មិនខុសពីឆ្នាំកន្លងទៅ ទិវារវប្បធម៍ក្នុងឆ្នាំនេះ ដែលលើកមកប្រារព្ធកាលពីថ្ងៃទី៦ មីនា ក៏មានតារាសិល្បៈរហូតដល់រាប់រយនាក់ ចូលរួមយ៉ាងច្រើនកុះករផងដែរ។ នោះជាទិវារអាហារសាមគ្គីរៀងរាល់មួយឆ្នាំម្ដង ដោយមានសម្ដេចនាយករដ្ឋមន្ត្រី និងថ្នាក់ដឹកនាំចូលរួមជាភ្ញៀវកិត្តិយស។

ពិធីនេះបានធ្វើឡើង នៅកោះពេជ្រ ដោយត្រូវគេកត់សម្គាល់ថា រៀបចំបានល្អជាងកាលពីឆ្នាំមុន ហើយតារាសិល្បៈ ដែលបានបង្ហាញវត្តមានទៀតសោត ក៏ត្រូវបានសម្រិតសម្រាំង ខុសប្លែកពីឆ្នាំទី១។ តារាសិល្បៈមិនត្រឹមបង្ហាញខ្លួនយ៉ាងស្អេកស្អះ ទាំងតារាជើងចាស់ និងជើងថ្មីប៉ុណ្ណោះទេ ប៉ុន្តែក៏បានបង្អួតភាពហុឺហារ និងរូបសម្រស់ ធ្វើអោយវេទិកាទាំងមូល ទទួលបានការចាប់អារម្មណ៍ មិនធម្មតានោះផងដែរ។

នៅក្នុងកម្មវិធីសិល្បៈ ដែលសម្ដែងជូនទស្សនា រួមមានរបាំប្រចាំខេត្តក្រុងនីមួយៗ និងប្រចាំក្រុមសិល្បៈធំៗ សរុប៤៥ក្រុម ដែលធ្វើអោយឆាកកម្មវិធីពោរពេញដោយភាពទាក់ទាញ។ ចង់ដឹងថាកម្មវិធីនេះ មានទិដ្ឋភាពគួរអោយទាក់ទាញកម្រិតណា សូមទស្សនារូបភាព៖