Post News Media ព័ត៌មានសិល្បៈ និងកម្សាន្ត មិនល្បីទេ តែត...

មិនល្បីទេ តែតារា៦រូប ទទួលបានកិត្តិយស លើកម្រាលព្រំ

ក្នុងពិធីសម្ពោធសាលាអង់គ្លេសសហគមន៍ធីសេវើ នៅភូមិរំដេញ ឃុំម្កាក់ ស្រុកអង្គស្នួល ខេត្តកណ្ដាល កាលពីថ្ងៃទី២០ កក្កដា គេកត់សម្គាល់ថា មានការចូលរួមពីតារាសិល្ប:ចាស់ថ្មី និងអ្នកល្បីឈ្មោះច្រើនគួរសម ប៉ុន្តែមានតារាតែប៉ុន្មានរូបប៉ុណ្ណោះ ដែលបានបង្ហាញខ្លួន ក្នុងម៉ោងគណអធិបតី នៅលើកម្រាលព្រំ ដែលមាន ឯកឩត្តមរដ្ឋមន្ត្រី ខៀវ កាញារីទ្ធ ជាគណអធិបតី។ ក្នុងនោះគេកត់សម្គាល់ថា តារា៦រូបរបស់គ្រួសារតារាកម្ពុជា ក៏ទទួលបានភាពលេចធ្លោផងដែរ តាមរយ:សកម្មភាពដើរម៉ូដ ជួយឲ្យពិធី កាន់តែមានការចាប់អារម្មណ៍នោះ។

តារាទាំង៦រូបនោះរួមមាន លោក រុន ណាកូ ម្ចាស់ពានគ្រងឈុតបុរាណ ត្រូវទម្រង់ប្រចាំឆ្នាំ២០១៨ និងជាម្ចាស់ពានប្រជាប្រិយភាព ផ្នែកឈុតបុរាណឆ្នាំ២០១៩ ដែលទូតសុឆន្ទ:ប្រចាំក្រុម, លោក សុិន សុធារិទ្ធ ម្ចាស់ពានគ្រងឈុតបុរាណកម្រប្រចាំឆ្នាំ២០១៨ ដែលជាទូតសុឆន្ទ:ប្រចាំក្រុមដូចគ្នា និងជាតារាសម្ដែងមួយរូប។ កញ្ញា លី ណៃហ៑ាង តារាម៉ូដែលក្រុម BN, លោក ឯក រ៉ាវ័ន្ត តារាសម្ដែង និងជាតារាម៉ូដែល, កញ្ញា សិទ្ធិ សូរ្យលីនណែត តារាម៉ូដែលBN, និង កញ្ញា អៃ សុគន្ធពិដោរ តារាម៉ូដែលBN។

តារាទាំង៦ ត្រូវបានអ្នករៀបចំកម្មវិធី តម្រូវឲ្យដើរបង្ហាញម៉ូដសំលៀកបំពាក់បែបខ្មែរ នៅចំពោះគណអធិបតីលើកម្រាលព្រំ ដោយមានការឩបត្ថម្ភសំលៀកបំពាក់ពីហាងកាត់ដេរ BN ។ ម្នាក់ៗនៅក្នុងថ្ងៃនោះ ត្រូវបានគេកត់សម្គាល់ថា ទទួលបានកិត្តិយសគួរឲ្យសរសើរ ដោយអាចនិយាយបានថា គឺជាសកម្មភាពដើរម៉ូដបង្ហាញខ្លួន នៅកណ្ដាលពិធី ដែលមានសំលេងទះដៃយ៉ាងកងរំពង នៅពេលមានការបង្ហាញខ្លួនលើកម្រាលព្រំម្នាក់ៗ ខណ:ដែលពិធីករលោក សន សុវណ្ណារ៉ា និង កញ្ញា ព្រះអាទិត្យតូច ក៏បានឩទ្ទេសនាម តារាមួយរូបៗ ធ្វើឲ្យតារាម៉ូដែលទាំង៦ រឹតតែទទួលបាននូវកិត្តិយស និងការចាប់អារម្មណ៍។

ឯកឩត្តម ខៀវ កាញារីទ្ធ បានទាំងឩបត្ថម្ភតារាម៉ូដែលទាំង៦រូប ១លានរៀល ជាថ្ងូរដែលពួកគេបានស្ម័គ្រចិត្តចូលរួម ដើរម៉ូដក្នុងសកម្មភាពជួយដល់សង្គមនាពេលនោះផង៕