បង្ហាញមុខស្ទើរគ្រប់កម្មវិធីសិល្បៈ អ្នកស្រី ចាន់ ស្រីនុច ដែលអ្នកសិល្បៈស្គាល់ថា ចែមុំៗ ម្ចាស់ហាង Nitta Salon ទើបតែធ្វើអោយគេចាប់អារម្មណ៍ ជាមួយនឹងការបង្ហាញមុខកូនស្រីបង្កើត ក្នុងពិធីមង្គលការរបស់តារាចម្រៀង អ្នកនាង សុន ស្រីពេជ្រ មុននេះប៉ុណ្ណោះ ដោយសារតែកូនស្រីបង្កើត របស់អ្នកស្រីស្អាតមិនចាញ់តារា ហើយសមត្ថភាពក៏មិនណយ។ អ្នកស្រីបញ្ជាក់ថា ហេតុផលបណ្ដើរកូនស្រី ទៅកាន់ពិធីនោះ មិនមែនដើម្បីចង់អោយកូនស្រី ស្គាល់គេស្គាល់ឯង ហើយចូលសិល្បៈនោះទេ ប៉ុន្តែដើម្បីអោយកូនស្រីសប្បាយចិត្ត មុនចេញទៅរស់នៅអូស្ត្រាលីប៉ុណ្ណោះ។

អ្នកស្រី ចាន់ ស្រីនុច និយាយថា កន្លងមកអ្នកស្រីមិនសូវមានទម្លាប់ ដឹកដៃកូនប្រុសកូនស្រីទៅណាមកណានោះទេ ទើបអ្នកសិល្បៈមិនច្រើនប៉ុន្មាន ស្គាល់មុខកូនៗ បង្កើតរបស់អ្នកស្រី។ អ្នកស្រីថាខ្លួនមានកូនបង្កើត៣នាក់ ដោយកូនស្រីដែលអ្នកស្រីយកមកជាមួយក្នុងពិធីមង្គលការ សុន ស្រីពេជ្រ គឺជាកូនស្រីទី២ ដែលត្រៀមទៅសិក្សាជំនាញវះកាត់ផ្នែកថែរក្សាសម្រស់ រយៈពេល៤ឆ្នាំ នៅក្នុងប្រទេសអូស្រ្តាលី។ កូនស្រីទី២នេះមានឈ្មោះថា បុត្រ នីតា គឺជាឈ្មោះដែលអ្នកស្រី យកមកប្រើជាយីហោសាឡន ដោយសារតែអ្នកស្រីយល់ថា កូនស្រីរូបនេះ អាចស្នងជំនួញខ្លួនបាន។ អ្នកស្រីថា នាងទើបបញ្ចប់ការសិក្សា នៅសាលា ELT ថ្នាក់ទី១១ប៉ុណ្ណោះ ប៉ុន្តែដោយសារតែនាងពូកែភាសា ហើយយល់ដឹងច្រើនពីការថែរក្សាសម្រស់ ទើបប្រទ្បងជាប់អាហារូបករណ៍ ទៅសិក្សាផ្នែកកែសម្ផស្ស នៅក្នុងប្រទេសអូស្ត្រាលីរយៈពេល៤ឆ្នាំ។ ប្អូនស្រីនឹងចាកចេញពីកម្ពុជា នៅថ្ងៃទី៧ ខែ១១ ខាងមុខហើយ ដោយអ្នកស្រីសប្បាយចិត្តយ៉ាងខ្លាំង ដែលបានកូនស្រីម្នាក់ស្នងអាជីពសាឡនរបស់ខ្លួន ដែលអ្នកស្រីយល់ថា បើកូនស្រីទី២រៀនចប់ នោះក្ដីស្រម៉ៃបើកហាងថែរក្សាសម្រស់ ឬ ហាងកែសម្ផស្សពង្រីកពីលើសាឡន ពិតជាមិនពិបាក។

កញ្ញា បុត្រ នីតា បានអះអាងបន្ថែមពីលើម្ដាយថា នាងក៏ស្រលាញ់វិស័យសិល្បៈ ផងដែរ ប៉ុន្តែលើតែជំនាញពិធីការិនី ដោយនាងអាចប្រើភាសាចិន និង អង់គ្លេស បានយ៉ាងស្ទាត់ជំនាញមិនខុសពីភាសាកំណើត។ ក្នុងនោះនាងក៏ស្រទ្បាញ់ អាជីពវះកាត់ថែរក្សាសម្រស់ផងដែរ ទើបនាងតស៊ូទៅសិក្សា នៅអូស្ត្រាលីម្នាក់ឯង៤ ឆ្នាំដោយមិនរុញរា ក្រោយប្រទ្បងជាប់៕