ខណ:ដែល លោក ពៅ ពិសិដ្ឋ ត្រូវគេកត់សម្គាល់ថា ទទួលបានឱកាសសម្ដែង ដោយសារតែការខ្នះខ្នែងរបស់បងស្រី គឺ កញ្ញា ពៅ លីដា និងម្ដាយ ពេលនេះ លោក ពៅ ពិសិដ្ឋ ស្រាប់តែមានទីផ្សារដោយឯងៗ។

លោក ពៅ ពិសិដ្ឋ បានសារភាពថា ឱកាសបានសម្ដែងរបស់លោកក្នុងរឿងម្ដងៗ គឺពិតជាបានពីការស្រវាស្រទេញរបស់ម្ដាយ និងបងស្រី ដែលប្រឹងសុំពីផលិតករ។ ប៉ុន្តែប្រមាណជា១ឆ្នាំចុងក្រោយនេះ លោកថា ទីផ្សារសិល្ប:របស់លោក មានការឈានឡើងដោយឯងៗ ដោយមានផលិតករ និង ម្ចាស់ផលិតផលនានា ទាក់ទងឲ្យថត ឬ ឲ្យដើរម៉ូដ។

លោករវល់នឹងការងារសិល្ប:ស្ទើរតែគ្មានសម្រាកនៅផ្ទះនាង ដែលកាលពីមុន គឺទំនេរភាញច្រើន ហើយដើរតែតាមបងស្រី។ ជាក់ស្ដែងត្រឹមពាក់កណ្ដាលឆ្នាំ២០១៩ លោកទទួលបានតួឯកចំនួន២រឿង ខណ:ដែលខាងផលិតករផ្សេងទៀត ក៏ទាក់ទងឲ្យសម្ដែងជាតួឯកផងដែរ ប៉ុន្តែជាន់គ្នា ហើយលោកមិនហ៊ានទទួល។ លោកថារាល់ថ្ងៃលោកមានទីផ្សារសិល្ប:ស្ទើររកពេលសម្រាកមិនបាន ប៉ុន្តែលោកនៅយល់ថា ខ្លួនមានឱកាសថ្ងៃនេះ ដោយសារបងស្រី និង ម្ដាយ។

កញ្ញា ពៅ លីដា បានអះអាងថា លោក ពៅ ពិសិដ្ឋ រាល់ថ្ងៃសម្ដែងផង ដើរម៉ូដផង គឺច្រើនជាងនាងនោះផង ជាពិសេសក្នុងពេល ដែលនាងពត់ធ្មេញហើយមិនអាចទទួល ការសម្ដែងបាន។ កញ្ញាសប្បាយចិត្តយ៉ាងខ្លាំង ដែលប្អូនប្រុសក៏ឡើងកូដ ហើយនាង ក៏នៅតែមានទីផ្សារ ដែលមានន័យថាជោគជ័យនៅលើវិថីសិល្ប:ទាំងបងទាំងប្អូន៕