ផ្ទះ ព័ត៌មានជាតិ កម្លាំង​នគរបា...

កម្លាំង​នគរបាល​បង្ក្រាប​ទីតាំង​ ហ្គេ​ម​អន​ឡាញ​ ខុសច្បាប់​មួយ​កន្លែង​ និងឃាត់ខ្លួនសិស្សថ្នាក់ទី ៨ម្នាក់

0

ប៉ៃលិន: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កាលពី​វេលា​ម៉ោង​ ៥និង​២០​នាទី​ ថ្ងៃ​ទី​២៩​ ខែវិច្ឆិកា​ ឆ្នាំ​២០១៩ កម្លាំង​ការិយាល័យ​នគរបាល​ព្រហ្មទណ្ឌ​កម្រិត​ស្រាល​ខេត្ត​ បាន​ចុះ​បង្ក្រាប​ទីតាំង​បើក​ហ្គេ​ម​អន​ឡាញ​ខុសច្បាប់​ ០១​កន្លែង​ និង​ខ្លួន​បុគ្គលិក​ម្នាក់​ ​ដែល​មាន​ទីតាំង​ស្ថិត​នៅ​ ភូមិ​ប៉ា​ហ៊ី​ជើង​ សង្កាត់​/ក្រុង/ខេត្ត​ប៉ៃលិន​ ។​

វត្ថុ​តាង​ដែល​បាន​ធ្វើការ​ឆែកឆេរ​ និង​ដកហូត​រួម​មាន​៖​
-Moniter​ ចំនួន​ ០៨​គ្រឿង​
-CPU​ ចំនួន​ ០៣​គ្រឿង​
-Keybord​ ចំនួន​ ០៥​គ្រឿង​
-Mouse​ ចំនួន​ ០៨​គ្រឿង​
-​ម៉ាស៊ីន​ព្រី​ន​ធ័​រ​ ចំនួន​ ០១​គ្រឿង​
-​ម៉ាស៊ីន​ព្រី​ន​វិ​ក័យ​ប័ត្រ​ ចំនួន​ ០១​គ្រឿង​
-​ក្រដាស​វិ​ក័យ​ប​ត្រ​ ចំនួន​ ០១​កេះ​
-​ទូរ​ដែក​ ចំនួន​ ០១​
-​ដុំ​Camera​ ចំនួន​ ០១​គ្រឿង
-​ធុង​ដាក់​វិ​ក័យ​ប​ត្រ​ ចំនួន​ ០១​
-​តុ​ដាក់​កុំព្យូទ័រ​ ចំនួន​ ០១​
-​ខ្សែភ្លើង​ និង​ខ្សែ​Network​ មួយ​ចំនួន​
-​លុយ​ ចំនួន​ ៤,៦១០,០០០៛​ (​បួន​លាន​ប្រាំមួយ​រយ​ដប់​ពាន់​រៀល​គត់​)​ និង​បាន​នាំ​ខ្លួន​បុគ្គលិក​ម្នាក់​ឈ្មោះ​ សុខ​ រ៉​ង​រ៉ៃ​ ភេទ​ស្រី​ អាយុ​ ១៧​ឆ្នាំ​ មុខរបរ​ សិស្ស​រៀន​ថ្នាក់​ទី​០៨​ បច្ចុប្បន្ន​រស់នៅ​ក្នុង​ ភូមិបរ​ឌិន​នៀវ​ សង្កាត់/ក្រុង/ខេត្ត​ប៉ៃលិន​ មក​ធ្វើការ​សាកសួរ​បំភ្លឺ​ និង​ដោយ​មានការ​អនុញ្ញាត​ពី​លោក​ តូច​ សុភ​ក្តី​ ព្រះរាជអាជ្ញា​អម​សាលាដំបូង​ខេត្ត​ប៉ៃលិន​ បាន​សម្រេច​ឲ្យ​អាណាព្យាបាល​ធានា​ត្រឡប់​ទៅ​ផ្ទះ​ជា​បណ្តោះអាសន្ន​ ដើម្បី​បន្ត​នីតិវិធី​ ។​

ចំពោះ​វត្ថុ​តាង​ខាងលើ​ត្រូវ​បាន​កម្លាំង​របស់​ កា​រិ​យាល័យនគរបាល​ព្រហ្មទណ្ឌ​កម្រិត​ស្រាល ​ធ្វើការ​ដកហូត​ជា​បណ្តោះអាសន្ន​យក​មក​រក្សា​ទុក​នៅ​ស្នងការដ្ឋាន​នគរបាល​ខេត្ត​ប៉ៃលិន​ ដើម្បី​អនុវត្ត​តាម​នីតិវិធី​ ៕

មតិយោបល់

Loading...

Leave a Reply

This site uses Akismet to reduce spam. Learn how your comment data is processed.