អាម៉េរិក​៖យោងតាមគេហទំព័រ​ patch ចុះផ្សាយនៅថ្ងៃទី​២៨ ខែកក្កដា ឆ្នាំ​២០១៦ ឲ្យដឹងថា ស្ត្រីម្នាក់ ត្រូវបាន​អតីតមិត្តប្រុស​បាញ់សម្លាប់ នៅ ផ្ទះរបស់ខ្លួន Hermosa Beach ក្នុងរដ្ឋ​កាលីហ្វ័រញ៉ា ។​

យោងតាម​សមត្ថកិច្ចក្នុងតំបន់​កើតហេតុខាងលើ បានបញ្ជាក់ថា ក្រោយ​ពេល​សម្លាប់ស្ត្រីឈ្មោះ ថូ វណ្ណថា អតីតមិត្តប្រុស បាន​បាញ់សម្លាប់ខ្លួនឯង ។​

ស្ត្រីឈ្មោះ ថូ វណ្ណថា អាយុ ៣៥ ឆ្នាំ​ត្រូវបានគេស្គាល់ថា ជា​អតីតបវរកញ្ញាកម្ពុជា អាម៉េរិក ដោយឃាតករ បាន​បាញ់សម្លាប់ នៅផ្ទះនាឯឆ្នេរ Emosa នៅម៉ោងប្រហែល៦:៣០ ព្រឹក នាថ្ងៃទី ២៨ កក្កដា (ម៉ោងនៅអាម៉េរិក ត្រូវនឹងពេលល្ងាចនៅកម្ពុជា) ។​

បើយោងតាម ហ្វេសប៊ុក​លោក កង វិសាល ដែលជាត្រូវពូសាច់ថ្លៃរបស់ជនរងគ្រោះបានសរសេរថា “គ្មានសុវត្ថិភាពទេ នៅក្នុងពិភពលោកនេះ កន្លែងណាក៏ដោយ អ្នកណាក៏ដោយ ពេលណាក៏ដោយ ពួកយើងស្រឡាញ់នាង”។
សូមបញ្ជាក់ អ្នកនាង ថូ វណ្ណថា ដែលមានឈ្មោះហៅក្រៅថា ម៉ុច ជាបវរកញ្ញាកម្ពុជាអាម៉េរិកនៅក្នុងឆ្នាំ១៩៩៨ ៕​