ផ្ទះ ព័ត៌មានសិល្បៈ និងកម្សាន្ត ភី សម័យ គ្រោះ...

ភី សម័យ គ្រោះថ្នាក់ចរាចរ បាក់ដៃភ្លាមៗ នៅកន្លែងកើតហេតុ

0

កាលពីយប់ថ្ងៃទី១៩ កុម្ភ: ឆ្នាំ២០២០ នៅវេលាម៉ោង២ចូលថ្ងៃទី២០ តារាសម្ដែងភេទទី៣ កញ្ញា ភូ សម័យ បានជួបគ្រោះថ្នាក់ចរាចរណ៍រថយន្តបុករថយន្ត បណ្ដាលឲ្យគាបបាក់ដៃភ្លាម ដោយគ្រូពេទ្យតម្រូវឲ្យធ្វើការវះកាត់។ នាងជាតារាម្នាក់ទៀតហើយ ដែលមានគ្រោះថ្នាក់ ខណ:ដែលគ្រោះថ្នាក់នេះ បើទោះជាមិនធ្ងន់ធ្ងរ ក៏ជារឿងអាក្រក់មួយ។

កញ្ញា ភី សម័យ បានថ្លែងក្រោយការប៉ះទង្គិចថា ក្រោយពីចេញពីខួបកំណើត កញ្ញាក៏ត្រូវមិត្តភក្ដិបញ្ជិះរថយន្តយកទៅញាំអីបន្ត ហើយនៅវេលាម៉ោង២យប់ នៅពេលត្រលប់មកទៅផ្ទះវិញ ក៏មានរថយន្តមួយគ្រឿងបើកកៀរ ហើយរត់។ ម្ចាស់រថយន្តក៏ខឹងហើយដេញតាម បន្ទាប់មកក៏អកហ្សើ បណ្ដាលឲ្យគ្រោះថ្នាក់ដោយបុកគូទរថយន្តបង្កហេតុ នៅពេលរថយន្តនោះជាន់ហ្វ្រាំង ពេលជួបរថយន្តមួយផ្សេងទៀត នៅចំណុចស្ដុបបូកគោ។

នាងថាក្រោយពេលថតឆ្អឹង គឺដៃខាងធ្វេងរបស់នាងត្រូវបានបាក់ ហើយពេទ្យថា មានតែជម្រើសមួយគត់គឺវះកាត់ ដោយពេទ្យតម្រូវឲ្យនាងវះកាត់ នៅថ្ងៃទី២១ កុម្ភ: ទាំងមិនទាន់ដឹងថាត្រូវចំណាយប៉ុន្មាន។ កញ្ញា ភី សម័យ សម្ដែង ការសោកស្ដាយ ដែលមិត្តភក្តិរបស់នាង ដែលជាម្ចាស់រថយន្តឆេវឆាវ មួយពេលបណ្ដាលឲ្យខូចខាតធ្ងន់ធ្ងរ ទាំងផ្នែកខាងមុខរបស់រថយន្ត និងបណ្ដាលឲ្យគ្រោះថ្នាក់។ នាងក៏ប្រកាសផ្អាកការងារ ដែលនាងបានទទួលក្នុងអំឡុងពេលគ្រោះថ្នាក់នេះ រហូតដល់នាងអាចធ្វើការបានផងដែរ៕

មតិយោបល់