ផ្ទះ ព័ត៌មានសិល្បៈ និងកម្សាន្ត មិនសរសើរមិនបា...

មិនសរសើរមិនបាន ទាំងសិល្បករ និងម្ចាស់កម្មវិធី លែងសុទ្ធតែឈុតក្រមា ថ្ងៃមង្គលការ

0

អ្នកសិល្ប:មិនតិចទេ ត្រូវគេដឹងថា មានទំនាក់ទំនងជាមួយ លោក តាំង ទី ដែលជាម្ចាស់ក្រុមហ៊ុនកម្ចាត់កណ្ដៀរ ដោយសារតែលោករមែងចូលរួមក្នុងសកម្មភាពសប្បុរសធម៌ជាមួយតារា។ អ្វីដែលគួរឲ្យចាប់អារម្មណ៍ គឺក្នុងពិធីមង្គលការរបស់លោក កាលពីថ្ងៃទី២០ កុម្ភ: ឆ្នាំ២០២០ គឺទាំងលោក និង ក្រុមគ្រួសារ ជាពិសេសគឺសិល្បករដែលចូលរួមសុទ្ធរំលេចឈុតក្រមាយ៉ាងស្រស់ស្អាត។ សូម្បីតែភ្ញៀវពេញ ក្នុងពិធីក៏ត្រូវបានជូនកាដូក្រមាខ្មែរ ដែលធ្វើឲ្យក្រមាខ្មែរ មើលទៅលេចធ្លោពេញ ក្នុងពិធីមង្គលការ។

ជាមួយនឹងការរំលេចឈុតក្រមា ដែលអ្នកណាៗ ក៏សរសើរនៅក្នុងពិធីមង្គលការនោះ លោក តាំង ទី ជាកូនកំលោះ បានថ្លែងបញ្ជាក់ថា ដោយសារតែដោយសារតែលោកស្រទ្បាញ់ក្រមាខ្មែរ និងចង់លើកស្ទួយឈុតក្រមា ទើបលោកស្នើឲ្យភ្ញៀវកិត្តិយសច្នៃឈុតពីក្រមាខ្មែរ និងពណ៌ សម្រាប់មង្គលការរបស់ខ្លួន។ ក្នុងនោះលោកក៏បានចំណាយថវិកាផ្ទាល់ខ្លួន កាត់ឈុតឲ្យសិល្បករ ដែលចួលរួមប្រមាណជា២០ឈុតផងដែរ ដើម្បីលើកមុខមាត់សិល្បករ ដែលលោកស្រទ្បាញ់រាប់អានផង និងដើម្បីឲ្យពិធីរបស់លោកមើលទៅល្អភ្នែក នៅម៉ោងទទួលភ្ញៀវផង។ ដូច្នេះហើយទើបគេឃើញតារាៗមួយចំនួនក្នុងចំណោមសិល្បករដែលលោកអញ្ជើញមិនតិចជាង១០០នាក់ គ្រងដោយឈុតក្រមា ហើយមានពណ៌ក្រមាដូចៗគ្នា មើលទៅទាក់ទាញ។
សិល្បករដែលរំលេចឈុតក្រមាដូចគ្នា នឹងកូនកំលោះកូនក្រមុំនោះ រួមមាន អ្នកនាង កាឆយ អ្នកនាង ក្អយ លោក អ៊ឹម ជីវ៉ា លោក ស៊ូ បញ្ញា នាយឆ្អឹង កញ្ញា នីតា និងសិល្បករជាច្រើនផ្សេងទៀត។ ក្នុងនោះបណ្ដាភ្ញៀវផ្សេងទៀត ក៏ត្រូវបានជូនក្រមាខ្មែរជាកាដូ នៅក្នុងពិធីផងដែរ។

លោក តាំង ទី បញ្ជាក់ថា មង្គលការរបស់លោកដែលបានធ្វើឡើងកាលពីថ្ងៃទី២០ កុម្ភ: ឆ្នាំ២០២០ គឺបានធ្វើឡើងនៅភោជនីយដ្ឋានឡាក់គីស្ដាអគារ G និងត្រូវបានធ្វើឡើងប្រមាណជាង៧០តុ។ លោកថាភរិយារបស់លោក គឺអ្នកនាង នួន ធារ៉ា គឺបុគ្គលនៅអគារ៤២ជាន់ និងជាអ្នកកំពង់ចាម ដោយអ្នកនាងមិនមែនជាអ្នកសិល្ប:នោះទេ។
លោកថារវាងលោក និង ភរិយា មិនមានទេពកោសល្យផ្នែកសិល្ប:ទេ ប៉ុន្តែមកពីលោកសកម្ម ក្នុងការងារសប្បុរសធម៌ ជាមួយសិល្បករកន្លង ហើយក៏មានសកម្មភាពចូលរួមច្រើនជាមួយតារាៗ ទើបលោកមានទំនាក់ទំនងច្រើន ជាមួយតារាប្រៀបដូចអ្នកមានការងារ នៅក្នុងវិស័យសិល្ប:ដូច្នោះដែរ៕

មតិយោបល់