Post News Media ព័ត៌មានសិល្បៈ និងកម្សាន្ត យូរី ដឹកដៃអ្ន...

យូរី ដឹកដៃអ្នកដឹកនាំសម្តែងម្នាក់ទៅសាងស្នេហ៍នៅថៃ

ភ្នំពេញ: ក្រដាសមិនអាច​ខ្ចប់ភ្លើងជិតនោះទេ ដំរីងាប់ មិនអាច​យកចង្អេរបិទបាំង​ជិតនោះដែរ ចំណងស្នេហារបស់យូរី និងអ្នកដឹកនាំសម្តែងម្នាក់ក្នុងផលិតកម្មសាន់ដេ វាគឺជារឿងពិត ដែល​អ្នកទាំងពីរ​ដឹងច្បាស់រៀងៗខ្លួន មិនអាចក្រឡាស់បាន ។​

បើតាមផលិតករម្នាក់ ដែលជាប្រភពដ៏កក់ក្តៅ សូមមិនបញ្ចេញឈ្មោះ បានប្រាប់ Post News ឲ្យដឹងថា តារាចម្រៀងយូរី មានទំនាក់ទំនងស្នេហា យ៉ាងស្អិតរមួត ជាមួយអ្នកដឹកនាំ​សម្តែង​ម្នាក់ ក្នុងអាលប៊ុមថ្មីរបស់នាង ក្រោមចំណងជើងថា «ខ្សែជីវិត​» ហើយពេលនេះពួកគេ​កំពុងនៅទឹកដី​ថៃ ។​

កាលពីថ្ងៃទី​២ ខែសីហា ឆ្នាំ​២០១៦ តារាចម្រៀង​ យូរី បាន​ធ្វើដំណើរ​ទៅកាន់ប្រទេសថៃ ដោយជើងហោះហើរ​ដែលនាង​ជិះ បានចត នៅព្រលានយន្តហោះសុវណ្ណភូមិ នៅម៉ោង ៥​និង​៣០នាទី ។​ បន្ទាប់មកតារាចម្រៀងរូបនេះ បានធ្វើដំណើរទៅកាន់ តំបន់ប្រាទូណាម រកកន្លែងស្នាក់នៅ ។​
ក្នុងអំឡុងពេលនោះ គេមិនបានឃើញ អ្នកដឹកនាំសម្តែងខាងលើនោះទេ មិនបានឃើញព្រោះតែ​អ្នកដឹកនាំសម្តែងខាងលើ អាចនឹងមកមុន ឬមកតាមក្រោយ ។​
ការហោះហើរ ទៅកាន់ទឹកដីថៃ របស់យូរី ត្រូវបានគេទម្លាយថា គឺទៅថត​ចម្រៀងនៅទីនោះ ដើម្បីបញ្ចប់​អាលប៊ុម​ខាងលើ និងឆ្លៀតពេល ដើម្បីរឹតចំណងស្នេហ៍ ឲ្យស្អិតរមួត ជាមួយនឹងគ្នា ។​
ក្នុងតំបន់ប្រាទូណាម នៅព្រឹកថ្ងៃទី​៣ ខែសីហា ឆ្នាំ​២០១៦ យូរី បានដឹកដៃបុរសម្នាក់ ដើរផ្សារ ដែលអាច​ជាជំនួយការ ឬ​អ្នកតុបតែងមុខ ធ្វើសក់​ឲ្យនាង ក៏ជួប​ជាមួយនឹង​អ្នកយកព័ត៌មាន Post News ដោយចៃដន្យ ក៏បានសួរទៅកាន់​បុរស​រូបនោះថា តើ​លោក​ជាអ្នកដឹកនាំសម្តែង ក្នុងបទ «ខ្សែជីវិត​» មែនទេ ? ឭបែបនេះ យូរី បានទាញដៃ អ្នក​តុបតែងមុខ​របស់នាង ឡើងលឿន ដើម្បីបន្តដំណើរទៅមុខ​ទៀត ។

បើទោះបីជាយ៉ាងនេះក្តី ពាក់ព័ន្ធនឹងព័ត៌មាន នាងមានចំណងស្នេហា និង​អ្នកដឹកនាំសម្តែងខាងលើ ខាង Post News បានព្យាយាមខលទៅកាន់ ទូរស័ព្ទ ០៩៣ xxx 000 ដែលជា​លេខ​ទូរស័ព្ទ របស់យូរី ប្រើ ខលចូល​តែគ្មានអ្នកលើក​នៅព្រឹកថ្ងៃទី​១០ ខែសីហា ឆ្នាំ​២០១៦​៕​

Yuri Sunday (1)

Yuri Sunday (2)

Yuri Sunday (3)

Yuri Sunday (4)

Yuri Sunday (5)

Yuri Sunday (6)

Yuri Sunday (7)

Yuri Sunday (8)

Yuri Sunday (9)

Yuri Sunday (10)

Yuri Sunday (11)

Yuri Sunday (12)