ភ្នំពេញ: ពិធីការិនី ខៀវ សានសាណា ស្ថិតក្នុងចំណោមពិធីការិនីមួយដួង ដែលមានសំនួនវោហារស័ព្ទ ចាក់ទឹកមិនលេច ធ្វើឲ្យទស្សនិកជនស្តាប់ហើយផ្ទុះសំណើចតាមនាង ដោយទាំងនេះបានមកពី អត្ថន័យនៃឈ្មោះ របស់នាង ។
ខៀវ សានសាណា បានថ្លែងប្រាប់ទៅកាន់ទស្សនិកជន ក្នុងកម្មវិធីរបស់ស្ថានីយ៍ទូរទស្សន៍ MY TV ឲ្យ ដឹងថា មូលហេតុដែលប៉ាម៉ាក់ របស់នាង ដាក់ឈ្មោះថា « សានសាណា» នេះគឺ ក្នុងអំឡុងពេលដែលម្តាយខ្លួនមានផ្ទៃពោះ គាត់បានទៅមើលកុន ដែលកុននោះជារបស់សាធារណ:រដ្ឋឆេកូស្លូវ៉ាគី ដោយតួស្រីក្នុងរឿងនោះ មានឈ្មោះ សានសាណា ។
ពិធីការិនី ដែលកំពុងធ្លាយរឿងដឹកដៃបុរសអូស្ត្រាលី លោក Seraj Sutton ចូលរោងការនៅថ្ងៃទី៨ ខែតុលា ឆ្នាំ២០១៦ បានបន្តថា សានសាណា ជានារីម្នាក់ដែលចូលចិត្ត ធ្វើឲ្យគេសប្បាយចិត្ត កន្លែងណាមានកើតទុក្ខ កន្លែងណាមានទឹកភ្នែក ឲ្យតែ សានសាណា ទៅដល់ គឺលែងមានភាពកើតទុក្ខ មានតែសំណើចសើចក្អាកក្អាយ ចឹងហើយបានជានាងកើតមក ប៉ាម៉ាក់ដាក់ឈ្មោះ ថា «សានសាណា» ៕
ទស្សនាវីដេអូដូចខាងក្រោមនេះ៖
//www.youtube.com/watch?v=tBMa63qutAc
មតិយោបល់