ភ្នំពេញៈ កាលពីយប់ថ្ងៃទី១៦ សីហា តារាសិល្បៈយ៉ាងច្រើនកុះករដែលភាគច្រើនមកពីសមាគមអ្នកសិល្បៈរបស់អ្នកនាង ចន ច័ន្ទលក្ខិណា និងមួយចំនួនតូចមកពីក្រុម «គ្រួសារតារាកម្ពុជា» បានជួបជុំគ្នា ទទួលទានអាហារពេលល្ងាច។

នៅក្នុងវេទិកានោះតារាសិល្បៈ ក៏បានលេងស្ទីលបង្អួតអាវកីឡាករជម្រើសជាតិ ជាការពញាក់អារម្មណ៍ឲ្យមានការចូលរួមលើកស្ទួយដល់វិស័យបាល់ទាត់នៅក្នុងប្រទេសកម្ពុជាផងដែរ។ អ្នកនាងចន ច័ន្ទលក្ខិណា បានអះអាងថា នេះជាអាហារសាមគ្គីរវាងអ្នកសិល្បៈ និងអ្នកសិល្បៈក្នុងបំណងតែមួយគត់ គឺបង្កើនភាពស្និទ្ធិស្នាល ហើយគាប់ជួនតារាមួយចំនួនធំ សុទ្ធតែជាហ្វេនរបស់កីឡាករបាល់ទាត់ផង ទើបអ្នកខ្លះពាក់អាវកីឡាករជម្រើសជាតិ មកជប់លៀងជុំគ្នា។ តើតារាណាខ្លះមានស្ទីលលេចធ្លោគួរឲ្យគ្រឺតជាងគេនៅក្នុងពិធីសប្បាយៗនោះ?