ភ្នំពេញ: សារិន កណ្ណិកា ហៅ ម៉ូកា (Muka) គឺជាតារាចម្រៀងស្រីម្នាក់ ដែលចេះច្រៀង និងនិយាយ បាន៣ ភាសា ក្រៅពីភាសាកំណើត ហើយការប្រឡូកសិល្ប:ទើបតែបាន១ចម្អិន កំពឹសនេះទៀតសោត គឺដើម្បីសម្រេចបំណង ប្រាថ្នា របស់ ក្រុមគ្រួសារតែប៉ុណ្ណោះ ។
សារិន កណ្ណិកា បានចូលរួមប្រឡងក្នុងកម្មវិធីតន្ត្រីយុវវ័យ ស្ថានីយ៍ទូរទស្សន៍ បាយ័ន កាលពីឆ្នាំ ២០០៨ ជាមួយ អ៊ីណូ និង សេម ជាដើម ប៉ុន្តែការប្រឡងរបស់នាងមិនដល់ចំណុចចុងក្រោយនោះទេ ដោយតាំងពីពេលនោះ មកក៏លែងបង្ហាញវត្តមាន ។ ប៉ុន្តែទើបតែមួយឆ្នាំចុងក្រោយនេះ នាងបានបង្ហាញវត្តមានឡើងវិញ ដោយច្រៀងតាម Pub និង ក្លឹបកម្សាន្ត ដែលជាការបង្ហាញខ្លួនមួយ ដើម្បីសម្រេចបំណងប្រាថ្នាឪពុក ក្រោយលោកចាកឋាន នោះ ។
កណ្ណិកា បានប្រាប់ Post News នៅរសៀលថ្ងៃទី២៥ ខែសីហា ឆ្នាំ២០១៦ ឲ្យដឹងថាក្រុមគ្រួសាររបស់នាង ស្រឡាញ់សិល្ប:ខ្លាំងណាស់ ដោយមានម្តាយជាមន្ត្រីរាជការ ហើយឪពុកជាមន្ត្រីរាជការ និង តន្ត្រីករផង ប៉ុន្តែគួរឲ្យសោកស្តាយ បំផុត ដែលលោកឪពុក បានចាកឋានពីលោកនេះទៅ កាលពី ២ឆ្នាំមុន ហើយក៏ជាដើមចម ដែលធ្វើឲ្យនាង ត្រូវប្រឡូកសិល្ប: ជាថ្មី ដើម្បីសម្រេចបំណងរបស់លោក រយ:ជាង ១ឆ្នាំនេះ ។
សារិន កណ្ណិកា ហៅ ម៉ូកា (Muka) ថា «សម្រាប់ខ្ញុំ អាចច្រៀងបាន៤ ភាសា គឺភាសាខ្មែរយើង ភាសាថៃ ចិន និងអង់គ្លេស » ។
ស្រីស្រស់សាច់សខ្ចីដូចបណ្តូលចេក សារិន កណ្ណិកា បានបន្ថែមទៀតថា ការប្រឡូកចូលសិល្ប:របស់នាង គឺដើម្បីបង្ហាញពីសមត្ថភាព របស់ខ្លួន ក្នុងន័យចូលរួមចំណែក លើកស្ទួយសិល្ប:ខ្មែរ និង ដើម្បីសម្រេចបំណង របស់លោក ឪពុក និងក្រុមគ្រួសារផងដែរ ។
ដោយឡែកនិយាយពីជីវិតឯកជន របស់ សារិន កណ្ណិកា ហៅ ម៉ូកា (Muka) ដែលទើបតែមានវ័យ ២៤ឆ្នាំ គឺនាង កំពុងមានទំនាក់ទំនងស្នេហា និងកំពុងស្វែងយល់ចិត្តគ្នា ជាមួយនឹងអនិកជនខ្មែរ រស់នៅអាម៉េរិក ឈ្មោះ ជា វណ្ណារ៉ា អាយុ ៣០ ឆ្នាំ ដោយបុរសនេះ តែងតែឡើងចុះ កម្ពុជា ជាញឹកញាប់៕
មតិយោបល់