កូរ៉េ៖ តារាចម្រៀង និងសម្តែង នាង Suzy បានសម្រក់ទឹកភ្នែក ខណ:ដែលនិយាយរឿងរ៉ាវក្នុងដួងចិត្ត ផ្ញើទៅកាន់​ឪពុករបស់នាង។​
យោងតាម គេហទំព័រ koreaboo ចុះផ្សាយ​ឲ្យដឹងថា Suzy ជា​តារាមួយដួង ដែលមានការទទួលស្គាល់ពី​ទស្សនិកជន និង មាន​កាលវិភាគ​រវល់បំផុត ក្នុងឧស្សាហកម្មកម្សាន្តកូរ៉េ​ ដែលខុសពីតារាផ្សេងៗ ដែលមានទំនេរដើរលេងកម្សាន្ត ជាមួយមិត្តភក្តិ និងក្រុមគ្រួសារ​។​

ក្នុងបទសម្ភាស ជាមួយស្ថានីយ៍ទូរទស្សន៍ ក្នុងស្រុកមួយ Suzy បានបង្ហាញអារម្មណ៍សោកស្តាយ ជាមួយនឹងកិច្ចកា​រសិល្ប:ដែលមមារញឹក ដោយមិនបានប្រាស្រ័យទាក់ទង ទៅកាន់ ឪពុករបស់ខ្លួន ព្រោះតែរវល់ពេក។​
សម្តីនេះ បានធ្វើឲ្យអ្នកគាំទ្រ សម្រក់ទឹកភ្នែក ជាមួយនាង ដោយមានអ្នកគាំទ្រ ជាច្រើន បានផ្ញើសារគាំទ្រ និងបង្ហាញពីសេចក្តីស្រឡាញ់ទៅកាន់ តារាចម្រៀង​រូបនេះ​។​

Suzy ថា «ខ្ញុំពិតជាសូមទោស ទៅកាន់អ្នក(ឪពុក) ក្នុងពេលមួយ ហើយមានពាក្យនិយាយច្រើន ដើម្បីសូមទោស អ្នកតែងតែបារម្ភពីខ្ញុំ ដូច្នោះកុំបារម្ភ​ច្រើនពេក ហើយបន្តគាំទ្រខ្ញុំ ជាមួយនឹងសុខភាពល្អរបស់អ្នក ខ្ញុំមិនអាច​និយាយអ្វីៗ​ទាំង​នេះ ឲ្យញឹញាប់ទេ តើអ្នកដឹងទេ ថាខ្ញុំស្រឡាញ់អ្នក​» ៕​

ទស្សនា​វីដេអូ ជារូបភាពដូចខាងក្រោមនេះ៖