នាង Kim Kardashian បានបង្ហើបឲ្យដឹងថា នាងចង់បាន ទូរស័ព្ទ ម៉ូដែលចុងក្រោយរបស់ Apple iPhone 5 សម្រាប់ខួបកំណើតរបស់នាង។

ចំណែកមិត្តប្រុសរបស់នាង Kim Kardashian តារាចម្រៀងស្បែកខ្មៅ Kanye West បាននិយាយថា គាត់នឹងទិញដូចអ្វីដែលមិត្តស្រីចង់បាន ដែលជាស្មាតហ្វូនម៉ូដែលចុងក្រោយរបស់ Apple ដើម្បីឲ្យនាងសប្បាយចិត្ត។

រីឯនាង Kim Kardashian វិញ បានប្រាប់ដល់គេហទំព័រ E!News ថា នាងបានឃើញវាហើយ ចំណែកមិត្តប្រុសរបស់ខ្ញុំបានសាកល្បងប្រើវា ឃើញថាវាល្អ ហើយក៏មិនបានប្រាប់គាត់ថាខ្ញុំចង់បានដែរ តែគាត់ប្រហែលជាដឹងចិត្តខ្ញុំ ដូចនេះគឺជាអ្វីដែលខ្ញុំចង់បាន។

នាង Kim Kardashian បានបន្តទៀតថា នាងមានគម្រោងធ្វើពិធីរបស់នាងឲ្យមានលក្ខណៈធំដុំ ដើម្បីឲ្យមានពេលវេលាកៀកស្និទ្ធនឹងមិត្តភក្តិ និងក្រុមគ្រួសារ។

គួរបញ្ចាក់ថា នាង Kim Kardashian មកទល់នឹងពេលនេះ មានវ័យ ៣២ ឆ្នាំកើតនៅថ្ងៃទី ២១ ខែ តុលា ឆ្នាំ ១៩៨០ ៕