តារាសម្តែងជើងចាស់របស់ចិន លោក Jackie Chan ហៅ ឈិនឡុង បានធ្វើធ្វើការថ្លែងជាពិសេសថា ខ្លួននឹងចូលនិវត្តន៍ ពីសកម្មភាពវិស័យភាពយន្ត។
ប្រភពព័ត៌មានរបស់ Reuters បានចុះបង្ហាញ ឲ្យដឹងថា “ខ្ញុំដូចជាមិនមែននៅក្មេងទៀតទេ នេះគឺជាសម្តីដែលតារា ៥៨ ឆ្នាំ រូបនេះបានថ្លែងនៅទីក្រុង តៃប៉ិ ក្នុងឱកាសដាក់បង្ហាញវីដេអូនឯកសារ”។
ដូចគ្នានេះផងដែរតារាសម្តែងរូបនេះនឹងបញ្ចប់ពីនូវសកម្មភាពភាព ថតភាពយន្ត វាមិនមែនបានន័យថា តារាសម្តែង ៥៨ ឆ្នាំរូបនេះ លាឈប់ពីអាជីពសិល្បៈនោះទេ។ហេតុអ្វីខ្ញុំចាំបាច់ប្រើជីវិតរបស់ខ្ញុំនៅជាមួយនឹងសកម្មភាពទាំងនោះទៀត? ខ្ញុំបានធ្វើវាជាច្រើនហើយ នាពេលកន្លងមក ជាមួយនឹងសកម្មភាពគ្រោះថ្នាក់ជាច្រើនក្នុងការថតរឿង ប៉ុន្តែពេលនេះខ្ញុំមិនចង់ឲ្យជីវិតរបស់ខ្ញុំជួបនូវហានិភ័យ ដោយអង្គុយលើរទះរុញនោះទេ។
រឿង “Chinese Zodiac 2012,” គឺជារឿងថ្មីរបស់តារាសម្តែងរូបនេះ ដែលជារឿងមួយដែលសរសេរ និងដឹកនាំដោយតារាសម្តែង ៥៨ឆ្នាំ រូបនេះ នេះបើតាមសម្តីដែលគាត់បានប្រាប់ដល់ Reuters ។ម្យ៉ាងវិញទៀតតារាសម្តែងរូបនេះ បានប្រាប់បន្តថា ក៏មានវត្តមានរបស់តារាសម្តែង Oliver Platt និង Emilie Guillot ។ Jackie Chan ក៏បានឲ្យដឹងថា សម្រាប់រឿងមួយនេះគាត់សរសរ អស់រយៈពេល ៧ ឆ្នាំហើយ ទើបបានបញ្ចប់។
កាលពីខែ ឧសភា កន្លងទៅនេះ តារាសម្តែង ឈិនឡុង ក៏បានប្រាប់ដល់ The Telegraph ថាគាត់នឹងបញ្ចប់សកម្មភាពថតរឿង ហើយគាត់បានពន្យល់ទៀតថា “Chinese Zodiac 2012,” ក៏ជារឿងចុងក្រោយរបស់គាត់ផងដែរ។
ងាកមកមើលវីដេអូរឿងសាកល្បងរបស់តារាសម្តែង ឈិនឡុង ក្រោមចំណងជើងថា “Chinese Zodiac 2012,” ដែលទើបតែត្រូវបានគេអាប់ឡូត កាលពីថ្ងៃទី ១០ ខែ ធ្នូ ឆ្នាំ ២០១២ ម្សិលមិញ ទើបតែមានអ្នកចុចបង្ហាញ ៣១៤ ដងតែប៉ុណ្ណោះ៕
ទស្សនាវីដេអូ រឿង Chinese Zodiac 2012 ដូចខាងក្រោម ៖
មតិយោបល់