តារាចម្រៀង និង​សម្តែង Kim Hyun Joong នៅ​ពេល​ថ្មីៗ​មក​នេះ​ទទួលបាន​ពានរង្វាន់ ៤ ផ្សេងគ្នា នៅ “2012 Yahoo! Asia, and awards Buzz Awards.” ។ កម្មវិធី “2012 Yahoo! Asia, and awards Buzz Awards.” គឺ​ជា​កម្មវិធី មួយ​ដែល​ធ្វើឡើង និង​ប្រមូល​ទិន្នន័យ​ចំពោះ​តារា​ដួង​ណា​ដែល​ត្រូវបាន​គេ​រុករក​ច្រើនជាងគេ​នៅក្នុង​ឆ្នាំនេះ​។​

Kim Hyun Joong នៅក្នុង​ដៃ របស់គេ​មាន​ពានរង្វាន​សរុប ៤ ក្នុងនោះ​រួមមាន ពានរង្វាន់ “Most Popular Celebrity of the Decade Award,” “Asia’s Most Popular Artist Award,” “Taiwan’s Most Popular Artist Award,” និង​ចុងក្រោយ​គឺ​ពានរង្វាន់ “Hong Kong’s Most Popular Artist Award.”​។​

​សម្រាប់​ពានរង្វាន់ “Most Popular Celebrity of the Decade Award,” គឺជា​ពានរង្វាន់​ដែល​តារា​ដួង​នេះ​ទទួល​បាន​កាលពី​ឆ្នាំ ២០០៣ ក្នុងនាម​ជា​តារា​សម្តែង​ដែល​មាន​ប្រជាប្រិយភាព​នៅ​តំបន់​អាស៊ី ។​ប្រភព​ព័ត៌មាន​បានឲ្យដឹងថា Kim Hyun Joong កាលនោះ​មាន​អ្នកគាំទ្រ​រហូតដល់​ទៅ 1.35 លាន​នាក់ ដែល​បោះឆ្នោតឲ្យ ហើយ​វា​ក៏​ជា​លើក​ទី ៣ ដែរ​សម្រាប់​តារា​រូប​នេះ​ដែល​ទទួលបាន​នោះ​។​

​ទាក់ទិន​និង​ព័ត៌មាន​នេះ​ដែរ Kim Hyun Joong បាន​ចេញ​នូវ​អាលប៊ុម​ដំបូង ដែល​មាន​លក្ខណៈ​ពេញលេញ ជា​ភាសា​ជប៉ុន ក្រោម​ចំណងជើង​ថា “Unlimited,” កាលពី​ថ្ងៃ​ទី ១២ ខែ ធ្នូ ឆ្នាំ ២០១២ ហើយ​អាលប៊ុម​នេះ​ដែរ​កំពុង​ឈរ​លើ លំដាប់​កំពូល​តារាង​នៃ Oricon Daily Chart ផងដែរ​៕

​