តាមបណ្តាសារព័ត៌មានផ្សេងៗអ្វីដែលគេចាប់អារម្មណ៍សរសេរនោះគឺផ្តើមដំបូងគឺរឿងរ៉ាវរបស់តារាដែលជាអ្នកច្រៀង ប៉ុន្តែគេនៅភ្លេចរឿងមួយទៀតគឺ ភ្លេចតារាដែលនៅពីក្រោយខ្នងរបស់តារាចម្រៀង នោះគឺទឹកប៊ិចដែលរំលេចចេញជាទំនុកច្រៀង ពោលគឺកវីនិពន្ធទំនុកច្រៀងតែម្តង ។
ដូចគ្នានេះដែរ ប្រិយមិត្តជាច្រើនស្តាប់បទចម្រៀង មួយពិរោះគេចាំតែឈ្មោះតារាចម្រៀងរូបនោះច្រៀងតែប៉ុណ្ណោះ មិននឹកខ្វល់ថានរណាជាអ្កកនិពន្ធទំនុកច្រៀងមួយនេះ ហើយគាត់ជាមនុស្សយ៉ាងម៉េចនោះទេ។
នៅពីក្រោយនេះដែរ អ្នកនិពន្ធទំនុកច្រៀងនៅសម័យបច្ចុប្បន្នហាក់ដូចជាមានភាពថ្អួញថ្អែរណាស់ ចំពោះកម្រៃដែលទទួលបានពីការនិពន្ធ ទំនុកច្រៀង ដោយវាមិនស្មើរនិងអាវមួយកំប្លេ ផង ពោលគឺតម្លៃ ត្រឹមតែ ១៥ ដុល្លារ ឬលើសពីនេះតិចតូចតែប៉ុណ្ណោះ។ទាក់ទងនិងសេដ្ឋកិច្ចនេះដែរ យើងមិនរំឭកឬបញ្ជាក់ថា សម្តីនេះចេញពីកវីនិពន្ធរូបណាឲ្យប្រាកដ ក៏ពួកគាត់បានដឹងក្នុងចិត្តយ៉ាងច្បាស់ថា នេះជាការពិតមែន ដែលមិនអាចបដិសេធបាន។
រឿងនេះដែរ ប្រហែលជាខាងម្ចាស់ផលិតកម្មគិតថាតម្លៃប៉ុណ្ណេះសមល្មមហើយ គ្រាន់តែអង្គុយនិពន្ធមួយភ្លេតបានមួយបទ ដោយមិនចាំបាច់គិតច្រើន Melody មានស្រាប់ដែលចម្លងចេញពីប្រទេសជិតខាង។តែខាងម្ចាស់ផលិតកម្មភ្លេចគិតថាទម្រាំតែសរសេរបានចម្រៀងមួយបទ គឺដេកគិតមម៉ៃ ថាគួរដាក់ចំណងជើងបែបណា និងសាច់រឿងយ៉ាងម៉េច ឲ្យទាក់ទាញទៅតាមនិន្នាការសម័យនេះ ។
តែទោះជាយ៉ាងណាចំណុចមួយនេះយើងសូមធីបមួយអន្លើសិន តែសូមឲ្យអ្នកគាំទ្រសិល្បៈទាំងអស់ ជួយលើកតំកើន អ្នកនិពន្ធ ដូចតារាចម្រៀងដែលអ្នកគាំទ្រផងដូចពាក្យចាស់ពោលថា ផឹកទឹកឲ្យនឹកដល់ប្រភព៕
មតិយោបល់