ពេជ្រ សោភា ដែលជាតារាចម្រៀងដែលសម្បូរជម្លោះច្រើនជាងគេ លើបណ្តាញទំនាក់ទងសង្គមហ្វេសប៊ុក ហើយក៏ជាតារាចម្រៀងដែលកំពុងទទួលបានប្រជាប្រិយភាពតាមរយៈបទកន្ត្រាក់អារម្មណ៍ជាច្រើន នាពេលកន្លងមក នេះមិនរាប់បញ្ចូលទាំងបទ រ៉ូមេនទិកនាពេលកន្លងមកផង។
តារាចម្រៀង ដែលគេនិយមហៅថា ជាតារាចម្រៀងស្រដៀងតារាចម្រៀង Jenifer Lopez តែខ្មែរយើងវិញ ហៅនាងថា ជា Jenifer Sophea ។ពេជ្រ សោភា លើដងវិថីសិល្បៈរាងជ្រេបន្តិចមែនពិត តែរាងរបស់នាងនៅតែស្អាត និងស្រស់ឡើងៗ មិនចាញ់តារាម៉ូដែលប៉ុន្មាននោះឡើយ។
ពេជ្រ សោភា ដែលជាតារាចម្រៀងប្រសូត្រ ចេញពីត្រកូល អ្នកក្រ ដែលហែលឆ្លងវដ្ឋសង្សារជីវិត ជួបទុក្ខមិនចេះចប់នោះ ទម្រាំមកដល់ចំណុចល្អប្រសើរដូចសព្វថ្ងៃនេះ នាងនៅតែមិនភ្លេចគ្រាកម្សត់របស់នាងដែរ។
ចំណែកនៅពេលថ្មីៗនេះដែរ ពេជ្រ សោភា បានសរសេរលើ Wall Post របស់នាងថា “អគុណដល់ងប្អូនទាំងអស់ដែលចូលចិត្តហើយស្រលាញ់រូបនាងខ្ញុំ ដឹងថាកម្លាំងចិត្តបងប្អូនពិតជាជាមានន័យណាស់សំរាប់ខ្ញុំ ព្រោះស្មើនឹងបងប្អូនជួយគ្រួសារខ្ញុំចឹងដែរ ព្រោះតែបងប្អូនគ្រាំទ្រខ្ញុំទើបខ្ញុំអាចមើលថែគ្រួសារខ្ញុំបាន អគុណណាស់ អគុណដល់បងប្អូនចេញពីបេះដូង ពីខ្ញុំ ពេជ្រ សោភា ធ្លាប់ជាក្មេងលក់អំពៅ លក់ខ្ចៅ”។ជាមួយនឹង ការបង្ហោះពាក្យពេចន៍ ដែលចេញពីក្រអៅបេះដូង នេះ ក៏មានអ្នកគាំទ្រ របស់នាងសរសើរថា “ស្អាតដូចតារាបរទេស” និងមានអ្នកមួយចំនួនទៀតក៏បាន Comments ថា ខ្ញុំចូលចិត្តបង និងស្អប់ពីមនុស្សដែលនិយាយអាក្រក់ពីបង ផងដែរ។
រឿងដែលថា ស្រីស្រស់រូបនេះ ធ្លាប់ជាក្មេងលក់ខ្ចៅ និងអំពៅសាងនោះ វាជារឿងពិត ណាស់ ព្រោះថាប្រវត្តិទាំងនេះ នាងមិនដែលលាក់លៀមនរណាគេឡើយ តាំងពីឈានជើងចូលប្រឡូកក្នុងសិល្បៈ ដោយមានបណ្តាទស្សនាវដ្តី នៅកម្ពុជាតែងតែចុះផ្សាយពី ចំណុចអាក្រក់របស់នាង និងចំណុចល្អ ដោយភ្ជាប់មកជាមួយនឹងប្រវត្តិជូរចត់របស់នាង។
មួយរយៈចុងក្រោយមកនេះ ពេជ្រ សោភា ដែលមានរាងស្រលូន តែងតែបញ្ញាក់អារម្មណ៍ប្រិយមិត្តរបស់ខ្លួន តាមរយៈការប្រគុំតន្ត្រីនានា ដោយបង្ហាញក្បាច់រាំ និងរបៀបស្លៀកពាក់ប្លែកៗ ដែលជាទីពេញនិយមរបស់មិត្តយុវវ័យ៕
https://i1272.photobucket.com/albums/y389/domneng/Pich%20Sophea%201245/17900_452911524765336_1237891689_n_zps4fd181ba.jpg
https://i1272.photobucket.com/albums/y389/domneng/Pich%20Sophea%201245/431257_417947428261746_1936638577_n_zps971fa9db.jpg
https://i1272.photobucket.com/albums/y389/domneng/Pich%20Sophea%201245/554416_473548006035021_1494876249_n_zps56736a90.jpg
https://i1272.photobucket.com/albums/y389/domneng/Pich%20Sophea%201245/601089_472671226122699_178481480_n_zps2efe7fdc.jpg
https://i1272.photobucket.com/albums/y389/domneng/Pich%20Sophea%201245/945068_529970597059428_1950335352_n_zpsd23e1c06.jpg
មតិយោបល់