តារាសម្ដែងជើងចាស់ Arnold Schwarzenegger (អាណុល) នឹងចូលខ្លួនសម្ដែងនៅក្នុងរឿង Terminator 5 ដែលនឹងចាប់ផ្ដើមថតនៅខែមករា ឆ្នាំ ២០១៤។
យោងតាមសម្ដីរបស់តារាសម្ដែងមនុស្សនេះ បានឲ្យដឹងថា លោកបានការសប្បាយរីករាយណាស់នៅពេលដែល អ្នកដឹកនាំរឿង បានជ្រើសរើសរូបលោក ក្នុងការថតរឿង Terminator 5 ដោយលោកត្រូវដើរតួជា Terminator (មនុស្សយន្ត)។
អ្នកនាំពាក្យរបស់តារាសម្ដែង និងជាអតីតមន្ត្រីរដ្ឋាភិបាលរូបនេះ បានឲ្យដឹងថា អាណុលបានចុះកុងត្រាថតរឿងថ្មីៗជាច្រើន បើទោះបីជាគាត់មានវ័យ ៦៥ឆ្នាំក៏ដោយ ប៉ុន្តែលោកនៅមិនទាន់ចង់ចូលនិវត្តន៍នោះទេ។
គួរបញ្ជាក់ផងដែរថា ថ្មីៗនេះ មានព័ត៌មានមួយបញ្ជាក់ថា តារាសម្ដែងជើងចាស់របស់ចិន លោក ឈិនឡុង នឹងចូលរួមសម្ដែងនៅក្នុងភាពយន្តរឿង The Expendable 3 ដែលនៅក្នុងនោះក៏មាន អាណុលរួមសម្ដែងផងដែរ៕
មតិយោបល់