(បរទេស)៖ បន្ទាប់ពីរឿងអាស្រូវគេចពន្ធបានផ្ទុះឡើងអំឡុងឆ្នាំ ២០១៨ ចំណូលគ្រប់ទិសទីពីសិល្បៈរបស់តារាសម្តែង Fan Bingbing ត្រូវបានជាប់គាំងដោយការងារទាំងស្រុងពីបណ្តាក្រុមហ៊ុន និងផលិតកម្មទាំងអស់ត្រូវបានផ្អាក ធ្វើឱ្យជីវិតតារាស្រីរូបនេះធ្លាក់ដល់ចំនុចសូន្យ។ ទោះជាយ៉ាងណា Fan Bingbing នៅតែរក្សាជំហររឹងមាំដោយខំប្រឹងលក់ផលិតផលថែរក្សាតាមអនឡាញដើម្បីបានប្រាក់ចំណូលសងថ្លៃពន្ធ និងផ្គត់ផ្គង់ជីវភាពផងដែរ។

គួររំឭកថា The Empress Of China គឺជាភាពយន្តចុងក្រោយដែល Fan Bingbing បានសម្តែងកាលពីឆ្នាំ២០១៤ បន្ទាប់ពីស្ងប់ស្ងាត់អស់ជាច្រើនឆ្នាំកន្លងទៅ តារាស្រីវ័យ ៤០ឆ្នាំរូបនេះកំពុងចាប់ផ្តើមជាថ្មីម្តងទៀតហើយដោយលើកនេះ នាងបានចូលរួមសម្តែងក្នុងភាពយន្តកូរ៉េ Insider ដែលនេះបង្ហាញឱ្យឃើញពីជីវិតសិល្បៈរបស់ Fan Bingbing កំពុងត្រលប់មកដូចដើមវិញបណ្តើរៗហើយ។

គួរបញ្ជាក់ដែរថា រូបភាពកំពុងថតរឿងថ្មីនៅប្រទេសកូរ៉េនេះត្រូវបានមហាជនប្រទះឃើញការស្លៀកពាក់សាមញ្ញមួយឈុតប៉ុណ្ណោះ ប៉ុន្តែគ្រប់គ្នាបានលាន់មាត់សរសើរនាងថា នាងនៅតែស្អាត ជាពិសេសគឺស្បែកសម៉ដ្ឋរលោករបស់នាងតែម្តង បើទោះជាវ័យច្រើនហើយក៏ដោយ៕