កិច្ចការផ្សេងដែលធ្វើសព្វថ្ងៃគឺអាស្រ័យដោយដៃ ទាំងពីរ ពោលដូចជាការវាយកុំព្យូទ័រ សរសេរអក្សរ គូររូប និងកិច្ចផ្សេងៗទៀតដែលកំពុងស្ថិតនៅជុំវិញមនុស្ស។
តែសម្រាប់វិដេអូដែលបង្ហាញដូចរូបខាងក្រោមនេះវិញ ជានារីវ័យក្មេងដ៏ស្រស់សោភា ម្នាក់ដែលគ្មានដៃទាំងទ្វេរ បែរជាប្រើជើងជំនួសដោយដៃ ដោយការប៉ាក់ឌិន គូរគំនូរផ្សេង និងប្រើជើងរបស់នាងក្នុងការបំពេញកិច្ចការផ្ទះទៅវិញ ដោយមានលក្ខណៈស្ទាត់ជំនាញជាទីបំផុត។
តែទោះជាយ៉ាងណាក្នុងវេទិការផ្តល់បទ សម្ភាស និងបង្ហាញការប៉ាក់ឌិនដោយប្រើជើងនោះ នារីវ័យក្មេងដែលគ្មានដៃទាំងសងខាងនេះ បានធ្វើឲ្យអ្នកទស្សនានៅក្នុងកម្មវិធីខាងលើ ទប់ទឹកភ្នែកមិនបានសូម្បីតែពិធីករ ភ្ញៀវកិត្តយសដែលចូលរួម។ក្នុងទឹកភ្នែកស្រក់ដាមជាប់ថ្ពាល់ ក្នុងការផ្តល់បទសំភាសនោះ គេក៏បានឃើញឪម្តាយបងប្អូនរបស់នាងឈរពីក្រោយខ្នងដោយមិនឲ្យនាងដឹង ដោយសាច់ញាតិទាំងនោះក៏ស្រក់ទឹកភ្នែក អាណិតចំពោះរូបនាង ។ខណៈដែលពិធីករធ្វើបទសម្ភាសចប់ ពិធីករប្រុសរូបនេះបានឲ្យនាងងាកក្រោយ ដោយប្រាប់ថា សាច់ញាតិរបស់នាងក៏មកចូលរួមដែរ ដែលធ្វើឲ្យទឹកភ្នែកកាន់តែជន់ជោរ ខណៈដែលអោបក្រសោបគ្នាលើឆាក់នោះ។
សម្រាប់អ្នកទស្សនាវីដេអូ ពិតជាមានអារម្មណ៍ក្តុកក្តួល ស្រក់ទឹកភ្នែកដោយមិនដឹងខ្លួន និងមានចិត្តអាណិតអាសូរ ដោយនាងមានតែជើងពីរ ខិតខំរស់នៅ ដោយមិនមើលងាយពីចិត្តខ្លួនឡើយ។
ចុះ សម្រាប់អ្នកអានទាំងអស់មានអារម្មណ៍យ៉ាងម៉េចដែរ នៅពេលឃើញវីដេអូនេះ?
ទស្សនាវីដេអូដូចខាងក្រោមនេះ៖
មតិយោបល់