ឆាយ វិរៈយុទ្ធ តារាចម្រៀងជួរមុខរបស់ផលិតកម្ម សាន់ដេ ដែលកំពុងតែប្រឡូកក្នុងខ្សែ ភាពយន្តទី ៤ “ព្រាយក្បាលប្រាំបី” ដែលសម្ពោធកាលពីថ្ងៃទី ១១ ខែ កក្កដា កន្លងទៅនេះ និងជារឿងទី ២ បន្ទាប់ពីរឿង “វិញ្ញាណបិសាចជញ្ជក់ឈាម”ដែលតារាចម្រៀងស្រស់សង្ហាររូបនេះ ចូលរួមសម្តែង។
ម្ចាស់បទចម្រៀង “លុយបងមិនដល់គេ” ជាបទ ស្ថិតនៅក្នុងវីស៊ីឌី ១២៦ ក្នុងផលិតកម្មសាន់ដេ ដែលជាបទធ្វើឲ្យឆាយ វិរៈយុទ្ធ កក្រើកឡើងវិញ បន្ទាប់ពីបទល្បីៗជាច្រើនក្នុងទ្រនំចាស់ Bigman ដែលកំពុងរដាបរដួសនោះ។
ស្របពេលដែលនិន្នាការឃោសនាបោះឆ្នោតជ្រើសរើសមេដឹកនាំប្រចាំប្រទេស ដោយចូលរួមឃោសនាពីយុវជន មន្ត្រីរាជការ ដែលស្រលាញ់ចូលចិត្ត បក្សដែលខ្លួនស្រលាញ់ក៏ មានសិល្បៈករជាច្រើន កំពុងទទួលរងការរិះគន់យ៉ាងចាស់ដៃ ជាពិសេសនោះ តារាចម្រៀង ករុណា ពេជ្រ និង លោក អឹម ជីវ៉ា ។ទោះបីជារងការរិះគន់យ៉ាងនេះក្តី លោក ករុណា ពេជ្រ និង លោក អឹម ជីវ៉ា បានព្យាយាមបកស្រាយតាមរយៈវីដេអូឃ្លិប ដោយបង្ហោះតាមរយៈហ្វេសប៊ុក តែបែរជារងការរិះគន់ពីមហាជន ឆ្លើយតបនឹងវីដេអូដែលលោកបានបង្ហោះព្យាយាមពន្យល់ដោះស្រាយ ជាបន្តបន្ទាប់ថែមទៀត។ទន្ទឹមនឹងគ្នានេះដែរ ឆាយ វិរៈយុទ្ធ បានបង្ហោះពាក្យពេចន៍ លើគណនីហ្វេសប៊ុករបស់ខ្លួន ដោយសរសេរថា “ខ្ញុំ ឆាយ វិរៈយុទ្ធ សូមមិនចូល ឬប្រកាន់បក្សណាមួយឡើយ សូមបងប្អូនខ្មែរជ្រើសរើសអ្នកដឹកនាំល្អ ចុច Like និង share ” ។ ជាមួយនឹង Wall Post នេះដែរត្រូវបានគេដឹងថា ឆាយ វិរៈយុទ្ធ ចង់ច្រានខ្លួនចេញពីការរិះគន់យ៉ាងចាស់ដៃពីមហាជន ដែលផ្តោតលើអ្នកសិល្បៈកំពុងឃោសនាបក្សនោះ ។
យ៉ាងណាមិញ ជាមួយនឹង Wall Post នេះដែរអ្នកលេងលើបណ្តាញអនឡាញសង្គមហ្វេសប៊ុក បានបញ្ចេញមតិថា “ពិតជាឡូយណាស់បងយុទ្ធ និងអ្នកខ្លះទៀតក៏សរសើរចំពោះតារាចម្រៀងរូបនេះដែលមិនផ្តោតលើបក្សណាមួយនារដូវកាលឃោសនានេះ” ។ ទោះជាយ៉ាងណាក្តី ឆាយ វិរៈយុទ្ធ ក៏បានត្រៀមខ្លួនរួចរាល់ហើយផងដែរ ដើម្បីទៅបោះឆ្នោត នៅថ្ងៃទី ២៨ ខែ កក្កដា ឆ្នាំ ២០១៣ នាពេលខាងមុខនេះ។
មួយរយៈចុងក្រោយនេះ វិរៈយុទ្ធ កំពុងតែកាក់កបគ្រាន់បើ ដោយទទួលបានតំណែងជាតួសំខាន់ ក្នុងរឿងទី ៤ ដែលកំពុងដំណើរការ ថត និងការប្រគុំតន្ត្រីនានា នៅតាមស្ថានីយ៍ទូរទស្សន៍៕
https://i1272.photobucket.com/albums/y389/domneng/Decore/ChayVirakyuth2_zpse4363672.jpg
https://i1272.photobucket.com/albums/y389/domneng/Decore/ChayVirakyuth1_zps80cb2350.jpg
https://i1272.photobucket.com/albums/y389/domneng/Decore/ChayVirakyuth7_zpsee817e0f.jpg
https://i1272.photobucket.com/albums/y389/domneng/Decore/ChayVirakyuth5_zpsa5ff09f5.jpg
https://i1272.photobucket.com/albums/y389/domneng/Decore/ChayVirakyuth9_zpsa0643c57.jpg
https://i1272.photobucket.com/albums/y389/domneng/Decore/ChayVirakyuth10_zps6e79c700.jpg
https://i1272.photobucket.com/albums/y389/domneng/Decore/ChayVirakyuth4_zpsed06b68b.jpg
https://i1272.photobucket.com/albums/y389/domneng/Decore/ChayVirakyuth11_zps4a26d21f.jpg
https://i1272.photobucket.com/albums/y389/domneng/Decore/ChayVirakyuth8_zpseada9c94.jpg
https://i1272.photobucket.com/albums/y389/domneng/Decore/ChayVirakyuth3_zpsffb2f80f.jpg
https://i1272.photobucket.com/albums/y389/domneng/Decore/ChayVirakyuth6_zpsb6ea4328.jpg
ទស្សនាបទចម្រៀង លុយបងមិនដល់គេ របស់ ឆាយ វិរៈយុទ្ធដូចខាងក្រោមនេះ ៖
មតិយោបល់