ប្រភពព័ត៌មានចុងក្រោយ ពីទូរទស្សន៍ CNN ដែលផ្សាយកាលពីថ្ងៃទី ១៣ ខែ កក្កដា កន្លងទៅនេះ (ម៉ោងក្នុងស្រុក) បានឲ្យដឹងថា តួសម្តែង របស់ Glee លោក Cory Monteith ត្រូវបានគេប្រទះស្លាប់នៅ Vancouver Fairmont Pacific Rim Hotel ។
តារាប្រុសនេះស្លាប់នៅវ័យ ៣១ ឆ្នាំ ព៏ត៌មានដែលផ្សាយនៃការស្លាប់របស់ Corey គឺជន់លិចនៅលើទំព័រ ដែលនាំមុខគេនៅក្នុងពិភពហូលីវ៉ូត។
របាយការណ៍ពី ហូលីវ៉ូត បានឲ្យដឹងថា តួប្រុស Corey ត្រូវបានគេស្វែងរកឃើញដេកស្លាប់ក្នុងបន្ទប់នារសៀលនៅជាន់ទី ២១ នៃសណ្ឋាគារ។ ប៉ូលិសក្នុងស្រុកបានរាយការណ៍ឲ្យដឹងថា តារារូបនេះបានទៅស្នាក់នៅសណ្ឋាគារតាំងពីថ្ងៃទី ៦ ខែ កក្កដានេះ និងគេធ្វើការពិនិត្យនៅថ្ងៃទី ១៣ ខែ កក្កដា នៅពេលដែលបុគ្កលិកសណ្ឋាគារ មិនបានឃើញតារារូបនេះចេញមកក្រៅអស់រយៈពេលជាច្រើនថ្ងៃនោះ។ នៅថ្ងៃដំបូងតួប្រុសរូបនេះបានដើរជាមួយនឹងមិត្តភក្តិមួយចំនួន តែនៅពេលដែលថ្ងៃខ្លួនស្លាប់ គាត់នៅក្នុងបន្ទប់តែម្នាក់ឯង តែពេលនេះប៉ូលិសកំពុងធ្វើការស៊ើបអង្កេតលើករណីស្លាប់របស់តួប្រុសរូបនេះ។
ជាមួយនឹងគ្នានេះដែរ ប៉ូលិសកំពុងសាកសួរសំនួរជាមួយនឹងអ្នកដែលដើរជាមួយនឹងតារារូបនេះ មុនថ្ងៃគាត់ស្លាប់។
Cory Monteith កើតនៅឆ្នាំ ១៩៨២ ដែលជាអតីតតួសម្តែងជា Finn Hudson នៅលើរឿងស៊េរី Glee ។ម្យ៉ាងវិញទៀតតារារូបនេះក៏ធ្លាប់បានទទួលពានរង្វាន់ een Choice Awards នៅឆ្នាំ ២០១១ ។ក្រៅពីរឿង Glee លោក Corey ក៏មានវត្តមាននៅ Simpsons និង Cleveland Show ។
មុនចូលប្រឡូក្នុងវិស័យសិល្បៈតួប្រុសវ័យ ៣១ ឆ្នាំរូបេះប្រឡូកការងារផ្សេងៗរួមមាន បើកឡានតាក់ស៊ី ឡាកក្រុង និង ជាជាងមេកានិច ៕
https://i1272.photobucket.com/albums/y389/domneng/Decore/Glee1_zps6cd96041.jpg
https://i1272.photobucket.com/albums/y389/domneng/Decore/Glee3_zps960d4b88.jpg
https://i1272.photobucket.com/albums/y389/domneng/Decore/Glee2_zps29bbb5a4.jpg
ទស្សនាវីដេអូឃ្លិបរបស់ Cory Monteith នៅក្នុងរឿង The Boy Next Door៖
មតិយោបល់