តារាចម្រៀងស្រីស្បែកខ្មៅ Rihanna បានឈ្នះក្ដីជាមួយនឹងក្រុមហ៊ុន Fashion ឈ្មោះ Topshop របស់ចក្រភពអង់គ្លេស ដោយបានយករូបនាងទៅប្រើនៅក្នុងអាវយឺត ហើយដាក់លក់ដោយមិនបានសុំការអនុញ្ញាតពីនាង។
តុលាការកំពូលបានសម្រេចក្ដីឲ្យតារាសម្រៀង Rihanan ឈ្នះ ក្រោយពីបើកសវនាការអស់រយៈពេល ៤ថ្ងៃ ដោយបានឲ្យខាងក្រុមហ៊ុន Topshop សង់ប្រាក់ចំនួន ៥លានដុល្លារអាមេរិកដល់នាងជាថ្លៃជំងឺចិត្ត។
កាលពីខែមីនា ឆ្នាំ ២០១២ ក្រុមហ៊ុន Topshop ដែលជារបស់មហាសេដ្ឋី Philip Green បានដាក់លក់អាវយឺតដោយមានរូបតារាចម្រៀង Rihanna។ រូបដែលបានដាក់នៅលើអាវយឺតនោះជាកម្មសិទ្ធិរបស់អ្នកថតរូបជនជាតិអៀរឡង់ ហើយខាងក្រុមហ៊ុនបានសុំអាជ្ញប័ណ្ណពីអ្នកថតរូបនោះរួចរាល់ ប៉ុន្តែមិនបានសុំការអនុញ្ញាតពី Rihanan។
បើយោងតាមប្រភពព័ត៌មានបរទេស Rihanna មានទំនាក់ទំនងជាមួយនឹងក្រុមហ៊ុន River Island ដែលជាក្រុមហ៊ុន Fashion ជាគូប្រជែងនឹង Topshop៕
មតិយោបល់