សាយ រតនៈ ដែលត្រូវបានគេស្គាល់ថាជាពិធីករ រូបស្រស់ សម្រស់បាន វោហាស័ព្ទ ដ៏ល្អ លើឆាកប្រគុំតន្ត្រីរបស់ ស៊ីធីអិន ជាពិសេសរាល់កម្ម វិធីរាត្រីកម្សាន្តរស់ស្ថានីយ៍ទូរទស្សន៍មួយនេះ។
កាលពីម្សិលមិញនេះដែរ សាយ រតនៈ បានឈួល ចុងច្រមុះយ៉ាងខ្លាំង ដោយ Wall Post លើបណ្តាញទំនាក់ទំនងសង្គមហ្វេសប៊ុកថា “មិត្តទាំងអស់ ជាទីរាប់អាន ! រយៈពេល ២ ថ្ងៃមកនេះ ខ្ញុំបានទទួលនឹងឃើញ នូវព័ត៌មាន មិនល្អ ដែលធ្វើឲ្យប៉ះពាល់ ដល់កិត្តិយស និង កេរ្តិ៍ឈ្មោះ របស់ខ្ញុំ ក៏ដូចជាក្រុមគ្រួសារយ៉ាងខ្លាំង។ ដោយមានជនមហាសែនអាក្រក់ បានយកឈ្មោះ និងរូបថតរបស់ខ្ញុំទៅកាត់ត និង Post រូបអាសអាភាស ជាច្រើន ដែលធ្វើឲ្យមហាជនខ្លះយល់ច្រឡំមកលើរូបខ្ញុំ។ សូមមិត្តទាំងអស់ជួយថ្កោលទោស ចំពោះជនមហាសែនអាក្រក់ នោះផង នៅពេលដែល បានឃើញ រូបភាពទាំងនោះ “។
វាជាការពិតណាស់ មួយរយៈចុងក្រោយនេះ គេឃើញនៅលើបណ្តាញទំនាក់ទំនងសង្គមហ្វេសប៊ុក ពោរពេញទៅរឿងរញ៉េរញ៉ៃ ជាច្រើន ដែលសឹងតែពេលខ្លះ មិនគួរឲ្យជឿ ។ ដោយឡែក ទាក់ទិននឹង លោក សែន រតនៈនេះដែរ មិនមែនជាតារាដំបូង ដែលរងគ្រោះនោះទេ ក្នុងនោះ ជាពិសេស លោក ករុណា ពេជ្រ តែម្តង ដែលជាផ្ទាំងស៊ីប របស់អ្នកលេងអនឡាញហ្វេសប៊ុកនេះ ដោយយករូបភាពលោក កាត់ត អញ្ចេះ អញ្ចុះ ដែលធ្វើឲ្យករុណា ពេជ្រ ពេលខ្លះសឹង ហូរទឹកភ្នែក ព្រោះថា វាជារឿងមិនពិត ។ មួយវិញទៀត លោក ឆាយ វិរៈយុទ្ធ ដែលជាតារាចម្រៀង ប្រចាំផលិតកម្ម សាន់ដេ ក៏ជាជនរងគ្រោះ រឿងគេបន្លំ យកឈ្មោះលោក បង្កើតជាគណនីថ្មី ដោយ ផុស នេះផុស នោះ កាលពីរដូវកាលបោះឆ្នោត និងក្រោយបោះឆ្នោត ដែលទាក់ទិន នឹងនិន្នាការនយោបាយនោះ។
ក្នុងករណីនេះដែរ សម្រាប់ជនអគតិ ទាំងនោះ សូមមេត្តា បញ្ឈប់វា ទៅ ទង្វើររបស់ អ្នក កំពុងតែបង្អាប់ បន្ថោក ដល់ខ្មែរគ្នាឯង ហើយ ដែលជាទង្វើរមួយ អញបានស៊ី គេអត់ នរណាកើត អីក៏អញមិនដឹង ធ្វើយ៉ាងណា ឲ្យតែ បានលុយចូលក្នុងហោប៉ៅនោះ ។ ទង្វើរនេះដែរវាល្អ តែល្អសម្រាប់ខ្លួនឯង ចំណេញខ្លួនឯង តែសម្រាប់សង្គមទាំងមូលកំពុងស្អប់ខ្ពើម ដូច្នេះ សូមបញ្ចៀសរាល់ទង្វើរ ដែលធ្វើឲ្យប៉ះពាល់ដល់សង្គមខ្មែរ ដែលមានទឹកដី សុវណ្ណភូមិដ៏បវរនេះ ៕
https://i1272.photobucket.com/albums/y389/domneng/Decore/Decore165/SayRatanak2_zps15589092.jpg
https://i1272.photobucket.com/albums/y389/domneng/Decore/Decore165/SayRatanak4_zps66c028a1.jpg
https://i1272.photobucket.com/albums/y389/domneng/Decore/Decore165/SayRatanak1_zpsdf9bbf92.jpg
https://i1272.photobucket.com/albums/y389/domneng/Decore/Decore165/SayRatanak3_zps329b3296.jpg
មតិយោបល់