កាលពីពេលថ្មីៗនេះតារាចម្រៀង Justin Bieber ដែលជាតារាកំពុងទទួលការរិះគន់យ៉ាងខ្លាំងពីមហាជនដោយសារតែទង្វើអសីលធម៌និងរឿងអាស្រូវរបស់គេ ហើយឥឡូវនេះគេបានបង្កើតរឿងអាស្រូវមួយទៀតហើយដោយគេបានវៃគា្នជាមួយបុរសម្នាក់នៅក្លឹបរាត្រីមួយក្នុងប្រទេសកាណាដា។
យោងតាមសារព័ត៌មាន TMZ បានប្រាប់ឲ្យដឹងថា នៅយប់វេលាម៉ោង ៣ ទៀបភ្លឺក្នុងក្លឹបរាត្រី Toronto, Justin Bieber បានបង្ករការចម្រូងចម្រាស់មួយដោយគេបានវៃទៅលើបុរសម្នាក់ក្នុងក្លឹបនោះ។ ហេតុការណ៍នោះកើតឡើងដោយសារតែអ្នកធ្វើការក្នុងក្លឹបបានប្រាប់ឲ្យ Justin Bieber ក្រោកចេញពីកន្លែង VIP របស់គេឲ្យទៅកាន់កន្លែងធម្មតាវិញ។ ប៉ុន្តែ Justin Bieber មិនព្រមចេញ ហើយបានចោទប្រកាន់បុរសនោះថាបានទាញអាវរបស់គាត់ដែលកំពុងពាក់និងបានព្យាយាមអូសយកគាត់ចេញមកក្រៅ ប៉ុន្តែមិនបានសម្រេចបន្ទាប់មកក៏កើតមានជម្លោះតែម្តង។
ចំណែកឯនៅក្នុងរូបភាពវិញយើងបានឃើញថា Justin Bieber កំពុងវៃនិងទាត់ទៅលើបុរសមា្នក់ដែលដួលនៅលើដី ខណៈពេលសន្តិសុខព្យាយាមឃាត់និងទាញ Justin Bieber កុំឲ្យវៃបុរសនោះទៀត។ នៅក្នុងភាពវឹកវរនោះ Justin Bieber បានប្រាប់ថាគេកំពុងព្យាយាមការពារខ្លួនរបស់គេពីលើបុរសនោះ។ បន្ទាប់ពីការវៃទៅលើបុរសនោះរួចមក Justin Bieber ក៏បានចាកចេញពីក្លឹបរាត្រីបាត់ទៅ ចំណែកឯប៉ូលិសក៏មិនបានហៅគេមកសាកសួរនោះដែរ ៕
មតិយោបល់