អាន់ដា ជាតារាចម្រៀង ដែលជោគជ័យលើ ថ្នាល់សិល្បៈ របស់ផលិតកម្ម KH Promotion ខណៈដែលមិត្តភក្តិជាច្រើនរបស់ខ្លួន បានបរាជ័យ នៅក្នុងទ្រនំ ។ ក្រោយពីកេរ្តិ៍ឈ្មោះល្បីល្បាញ ក្នុងពិភពសិល្បៈគួរឲ្យកត់សម្គាល់ តែបែរជាបរាជ័យស្នេហា ២ ទៅ ៣ លើក ដែលជាស្នេហារួមទ្រនំ កាលពីកន្លងមក ។ ថ្មីៗនេះដែរ ស្រាប់តែមានព័ត៌មួយទៀត ទាក់ទិននឹងរឿងស្នេហានេះដែរ បានប្រជ្រៀតចេញព័ត៌មាន ថា អាន់ដា កំពុងលង់ស្នេហ៍តារាចម្រៀង ចំណូលថ្មី ក្នុងផលិតកម្មដោយមិនដឹងខ្លួន។
បន្ទាប់ពីភ្ជាប់និស្ស័យជាមួយនឹង តារាចម្រៀងចំណូលថ្មី នាង បុប្ជា ប្រចាំផលិតកម្ម KH ហើយក៏ធ្វើឲ្យ ផលិតកម្មមួយនេះ រីកមុខឡើងវិញ ខណៈដែលកន្លងមកតារាចម្រៀងរបស់ខ្លួនដែលខំបណ្តុះបណ្តាល បែរជាដុះស្លាបហើរចូលទ្រនំ ។ នាង បុប្ជា ជាតារាចម្រៀងចំណូលថ្មីមែនពិត តែនិយាយពីទឹកដមសំនៀងវិញ មិនចាញ់ តារាចម្រៀងផ្សេងៗឡើយ និងរៀបច្បងប៉ុន្មានឡើយ ដែលធ្វើឲ្យផលិតកម្ម KH កំពុងសំឡឹងមើល ផលប្រយោជន៍ពីតារាចម្រៀងរូបនេះវិញ នាពេលអនាគត់។
ការសម្របខ្លួនចូល ក្នុងផលិតកម្ម KH របស់នាង បុប្ជា បានធ្វើឲ្យ មាន់ព័ត៌មានកម្ជាយចាយចេញថា អាន់ដា លង់ស្នេហ៍នាងបុប្ជា ដែលជាតារាចម្រៀងចំណូលថ្មី បន្ទាប់ពីបរាជ័យ ស្នេហ៍កន្លងមកពីរ ទៅ ៣ នាក់ ក្នុងនោះមាន តារាម៉ូដែល និងចម្រៀង នាង នៅ សុនិតា និងតារាម៉ូដែល អួន សារ៉ា ។ ជាមួយនឹងព័ត៌មាននេះដែរ បានធ្វើឲ្យ អាន់ដា ជាប់ឈ្មោះថា ជាតារាចម្រៀង ប្រុស មានចិត្តសាវ៉ា ចោលស្នេហ៍ពីរ បី និងញ៉ែស្រីមិនរើសមុខ។ នៅខែ ក្រោយនេះដែរ តារាចម្រៀង អាន់ដា ក៏នឹងចេញវ៉ុលថ្មី របស់ខ្លួនផងដែរ និងសង្ឈឹមថា អាចអង្រួនទីផ្សារ នាពេលខាងមុខ ៕
អត្ថបទដោយ ៖ គង់វង្ស
មតិយោបល់