ពន្លកសិល្បៈករថ្មី ប្រចាំផលិតកម្ម U2 កញ្ញា ផល សុរ៉ាន់យ៉ា ដែលកំពុងតែត្រៀមខ្លួនវាយលុកទីផ្សារ នាពេលខាងមុខ និងជ្រោងតោងតំណែង ឈរលើឧស្សាហកម្មកម្សាន្ត ត្រូវបានប្រភពព័ត៌មានទម្លាយឲ្យដឹងថា “ផល សុរ៉ាន់យ៉ា ម្តាយបំបែកស្នេហ៍ដូចទុំទាវ” ។ ជាមួយនឹងព័ត៌មាននេះដែរបានធ្វើឲ្យ មជ្ឈដ្ឋានអ្នកស្នេហាសិល្បៈ ជាច្រើន កំពុងចាប់អារម្មណ៍ និងខ្សឹបខ្សៀវតៗគ្នា ជាមួយនឹងព័ត៌មានដ៏រសើបនេះ ។
សុរ៉ាន់យ៉ា ជាតារាចម្រៀងដែល ទទួលបានការបណ្តុះបណ្តាល ពីម្ចាស់ផលិតកម្ម U2 លោក ឈាង ចេនឡា ដោយមកទល់នឹងពេលនេះ នាងបានចេញចម្រៀង ២ វ៉ុល ទៅហើយ ក្នុងនោះមាន ស៊ីឌី វីស៊ីឌីវ៉ុល ២៣ និង ២៤ ដែលកំពុងចរាចរណ៍នៅលើទីផ្សារនាពេលបច្ចុប្បន្ននេះ។ ផល សុរ៉ាន់យ៉ា បទចម្រៀងដែលទទួលបានការចាប់អារម្មណ៍ពីទស្សនិកជនគឺបទ “ស្នេហ៍តែបងម្នាក់ ” ហើយវីស៊ីឌី បទនេះដែរទើបតែចេញលក់លើទីផ្សារ កាលពីថ្ងៃទី ៣ ខែ កញ្ញា កន្លងទៅ ។
បញ្ច្រាសភាពល្បីល្បាញមកវិញ នេះដែរ ផល សុរ៉ានយ៉ា ក៏ត្រូវបានគេខ្សឹបខ្សៀវ ថា “នាងត្រូវបានម្តាយ បំបែកស្នេហ៍ ជាមួយនឹងសង្សារខ្លួនដែលរៀននៅសាកលវិទ្យាល័យ រួមគ្នា ។ ប្រភពព័ត៌មានបានទម្លាយឲ្យដឹងបន្តទៀតថា សង្សាររបស់ ផល សុរ៉ាន់យ៉ា គឺជាក្មេងវត្ត ម្នាក់ តែ សុរ៉ាន់យ៉ា ស្រលាញ់បុរសរូបនេះ មិនខ្វល់ពីទ្រព្យសម្បត្តិ ឡើយ ទោះត្រូវម្តាយព្យាយាមបំបែកស្នេហ៍ដូចទុំទាវក្តី”។
ទាក់ទិននិងបញ្ហានេះដែរ ខាងគេហទំព័រ ដំណឹង បានសាកសួរ ជាមួយនឹងបុគ្គលិកម្នាក់ ប្រចាំ ផលិតកម្ម U2 សុំ មិនបញ្ចេញឈ្មោះ បានអះអាងថា “រឿងនេះ គឺជារឿងពិតណាស់ ដែល ផល សុរ៉ាន់យ៉ា មានស្នេហាជាមួយនឹងនិស្សិតម្នាក់ក្នុងសាកលវិទ្យាល័យរួមគ្នា ហើយគេគឺជាក្មេងវត្ត។ ក្រោយពីដឹងថា ផល សុរ៉ាន់យ៉ា មានស្នេហាជាមួយនឹងនិស្សិតក្មេងវត្ត ម្តាយ របស់នាងព្យាយាមបំបែក ដោយមិនឲ្យជួបគ្នានោះទេ ។ ដោយក្តីស្នេហារបស់ សុរ៉ាន់យ៉ា ជាស្នេហាពិតដែលព្រហ្មលិខិតបានកំណត់មក ក៏ជួបគ្នាដូចបំណងប្រាថ្នា “។ ប្រភពដដែលបានបញ្ជាក់ផងដែរថា រឿងរ៉ាវទាំងនោះ វាគ្រាន់តែជាឈុតឆាកក្នុងសម្តែងក្នុងវិដេអូបទចម្រៀង “ស្នេហ៍តែបងម្នាក់ ” របស់នាងតែប៉ុណ្ណោះ៕
https://i1272.photobucket.com/albums/y389/domneng/Decore/Decore198/PhalSoranya8_zpse2438747.jpg
https://i1272.photobucket.com/albums/y389/domneng/Decore/Decore198/PhalSoranya2_zps0259b415.jpg
https://i1272.photobucket.com/albums/y389/domneng/Decore/Decore198/PhalSoranya1_zpscf2db478.jpg
https://i1272.photobucket.com/albums/y389/domneng/Decore/Decore198/PhalSoranya7_zps6e893216.jpg
https://i1272.photobucket.com/albums/y389/domneng/Decore/Decore198/PhalSoranya3_zpsb2d13b93.jpg
https://i1272.photobucket.com/albums/y389/domneng/Decore/Decore198/PhalSoranya9_zps51411161.jpg
https://i1272.photobucket.com/albums/y389/domneng/Decore/Decore198/PhalSoranya5_zps8b28bd4d.jpg
https://i1272.photobucket.com/albums/y389/domneng/Decore/Decore198/PhalSoranya4_zpscea3cdaa.jpg
https://i1272.photobucket.com/albums/y389/domneng/Decore/Decore198/PhalSoranya6_zpsd794dc52.jpg
ទស្សនាវីដេអូឃ្លិបដូចខាងក្រោមនេះ៖
មតិយោបល់