វីដេអូឃ្លិបនៅក្នុងកម្មវិធីការប្រកួតអត្តពលកម្មរបស់តារាប្រទេសកូរ៉េមួយត្រូវគេថតបានពីការសំឡឹងមើលរបស់ Yura ទៅលើ Suzy ដូចជាកំពុងច្រណែនជាមួយនឹង Suzy ។ ដែលវីដេអូនេះត្រូវបានអ្នកនិយមលេងអ៊ីនធឺណិតសួរសំណួរជាច្រើនទៅកាន់ Yura អំពីការសំឡក់ទៅកាន់ Suzy ។
ចំណែកឯអ្នកខ្លះបានប៉ាន់ស្មានថា Yura និង Hyeri កំពុងតែនិយាយរអេចរអូចពី Suzy ហើយក៏មានមតិខ្លះបាននិយាយថា Yura ច្រណែននឹង Suzy ដោយសារតែ Suzy បានតថតវីដេអូ ‘Book of the House of Gu’ ជាមួយនឹងលោក Lee Seung Gi ។ ជាមួយនឹងការរីរាលដាលនៃពាក្យចចាមអារាមជាច្រើនផលិតកម្ម DreamT បានចេញសេចក្តីថ្លែងការណ៏មួយបង្ហាញថា Yura និង Suzy មិនមានបញ្ហាអ្វីនឹងគ្នានោះទេវាគ្រាន់តែជាការយល់ច្រឡំប៉ុណ្ណោះ។
ម្យ៉ាងទៀតតំណាងរបស់ Yura បានប្រាប់ឲ្យដឹងថានាងមិនបានសំឡក់ទៅលើ Suzy នោះទេដោយសារតែពេលនោះវីដេអូបានថតចេញពីមុំផ្សេងទៀតទើបមើលទៅហាក់ដូចជានាងកំពុងសំឡក់ទៅកាន់ Suzy ។ បើទោះបីជា Yura និង Suzy មិនសូវមានទំនាក់ទំនងជិតស្និទ្ធក៏ដោយ ប៉ុន្តែ Yura នាងបាននិយាយថានាងមានការឈឺចាប់ណាស់និងសោកស្តាយដោយសារតែមានការយល់ច្រឡំបែបនេះ។ Yura បាននិយាយដោយផ្ទាល់ទៀតថានាងចូលចិត្ត Suzy ហើងនាងក៏មានរូបថតជាច្រើនរបស់ Suzy ដែលរក្សាទុកក្នុងទូរស័ព្ទដៃរបស់នាង ៕
ទស្សនាវីដេអូឃ្លិបដូចខាងក្រោមនេះ ៖
មតិយោបល់