ក្នុងចំណោម ២ បទ ដែលកំពូលតារាចម្រៀង ព្រាប សុវត្ថិ ស្ពាយទៅច្រៀង នៅលើឆាកតន្ត្រីកម្មវិធីគម្រប់ខួប៤០ឆ្នាំ នៃទំនាក់ទំនងពាណិជ្ជកម្មជប៉ុន-អាស៊ាន រាត្រីយប់មិញនេះដែរ បានធ្វើឲ្យកម្ពុជាទាំងមូលមានមោទនៈភាពព្រោះតែ បទទាំងពីរនោះ ជាបទចមម្រៀងដែលនិពន្ធដោយស្នាដៃកូនខ្មែរ។
ក្នុងចំណោម ២ បទនោះ ដែរមានបទ “ kingdom of wonder ” និងបទ “ យើងមានបេះដូង ” ដែលនិពន្ធទំនុកច្រៀងដោយ កវីនិពន្ធ ឆ្នើម សុខ ជំនោរ និង និពន្ធសាច់ភ្លេងថ្មី ដែលជាស្នាដៃកូនខ្មែរ ដោយលោក សួន ពិសិដ្ឋ ។
ជាមួយនឹងវត្តមាន របស់កំពូលតារាចម្រៀង ព្រាប សុវត្ថិ លើឆាក អន្តរជាតិ នៃទំនាក់ទំនងពាណិជ្ជកម្មជប៉ុន-អាស៊ាន អ្នកគាំទ្រខ្មែរ នៅកម្ពុជា និងជនជាតិខ្មែរដែលរស់នៅលើសកលលោក ស្ទើរតែហើបបេះដូង ព្រោះតែឃើញស្នាដៃកូនខ្មែរបោះជំហានទៅកាន់ឆាកអន្តរជាតិ។ ទន្ទឹមជាមួយនឹងគ្នានេះដែរ បណ្តាអ្នកលេងហ្វេសប៊ុកកម្ពុជា បាននាំគ្នាចែកចាយ ព័ត៌មាននេះ ពីមួយទៅមួយ ដោយក្តីរំភើប និងរីកមុខដូចគ្រាប់ជីត្រូវទឹក៕
ទស្សនាវីដេអូចម្រៀងដូចខាងក្រោមនេះ៖
មតិយោបល់