(កូរ៉េ)៖ គម្រោង Comback ថ្ងៃនេះ របស់ក្រុមចម្រៀងបុរស TXT ត្រូវបានប្រកាសលុបចោលភ្លាមៗ ក្រោយពីរកឃើញក្រុមការងារម្នាក់ មានវិជ្ជមានកូវីដ-១៩។ ករណីកើតឡើងភ្លាមៗនេះ ធ្វើឲ្យអ្នកគាំទ្រដែលខំរងចាំការសម្តែងរបស់ពួកគេត្រូវខកបំណង ខណៈក្រុម TXT ក៏មិនចង់ឲ្យរឿងនេះកើតឡើងដែរ តែបញ្ហាសុវត្ថិភាពរបស់សិល្បៈម្នាក់ៗជារឿងចម្បង។

Big Hit Music បានចេញសេចក្តីប្រកាសថា កម្មវិធីសម្តែងដែលមានឈ្មោះថា «Offline Comeback Showcase» របស់ក្រុមបុរស TXT គឺគ្រោងធ្វើឡើងនៅថ្ងៃទី៣១ ខែឧសភានេះ និងពេលនេះត្រូវបានប្រកាសលុបចោលតែម្តង ដោយសារតែមានបុគ្គលិកម្នាក់បានរកឃើញវិជ្ជមានកូវីដ-១៩។

ក្នុងនោះដែរ ចំពោះសមាជិក TXT នៅមិនទាន់ចេញលទ្ធផលធ្វើតេស្តផ្លូវការនោះទេ ពោលកំពុងតែស្ថិតក្នុងដំណាក់កាលរងចាំលទ្ធផលធ្វើតេស្ត ពីអាជ្ញាធរសុខាភិបាលកូរ៉េខាងត្បូង។

ប្រភព៖ Koreaboo