នាយ ពាក់មី ដែលជាតារាកំប្លែងល្បីឈ្មោះម្នាក់របស់កម្ពុជា ចាប់តាំងពីមានភាពល្បីល្បាញមក មហាជនសង្កេតឃើញថា តារារូបនេះបានផ្លាស់ប្តូរជីវិត១៨០ដឺក្រេតែម្តង បើប្រៀបធៀបកាលមិនទាន់ចូលសិល្បៈ។ ពាក់មី មិនត្រឹមតែជា តារាកំប្លែងឡើយ តែរូបលោកក៏ត្រូវមហាជនធ្វើជាគម្រូ ក្រោយបានផ្លាស់ប្តូរជីវិតពី ជាងសំណង់ក្លាយជាបុគ្គលម្នាក់ ដែលមានជីវភាពធូរធា និងអាចយោងឲ្យប្អូនៗបានល្បីដូចខ្លួនផងដែរ។ បើនិយាយឲ្យចំទៅ ទំរាំក្លាយជាបុគ្គលជោគជ័យក្នុងសិល្បៈ លោកក៏បានឆ្លងការភាពលំបាកជាច្រើនរួចរាល់ផងដែរ។

ជាមួយគ្នានេះ មហាជនផ្ទុះការកោតសរសើរជាខ្លាំង ចំពោះ នាយពាក់មី ក្រោយលោកឧកញ៉ា ហួត ជា បានបង្ហើបប្រាប់ពី ពីការចំណាយក្នុងខែកក្កនេះ ដោយ បានចំណាយប្រាក់លើផ្ទះឲ្យកូនស្រី រថយន្ត ក៏ដូចជា គម្រោងផ្ទះរបស់ឪពុកម្តាយក្មេក តែនាយពាក់មី គ្មានបានបង្ហើបប្រាប់ ដល់បណ្តាអ្នកគាំទ្រតែម្តង ដែលនេះបង្ហាញយ៉ាងច្បាស់ថា ទោះមានលុយច្រើនយ៉ាងណាក្តី តែតារាកំប្លែងរូបនេះ មិនចេញក្អេងក្អាង អួតបញ្ចេញទ្រព្យដូចតារាផ្សេងៗឡើយ។

គួរបញ្ជាក់ផងដែរថា ការទិញផ្ទះ ក្នុងគម្រោងរបស់លោកឧកញ៉ា ហួត ជា នៅក្បែរភ្នំប្រសិទ្ធនេះ ក៏ត្រូវបាន លោកឧកញ៉ាផ្ទាល់ ជាអ្នកបង្ហោះប្រាប់លើបណ្តាញសង្គមដែរ តែបើតាម ការប្រាប់របស់ នាយពាក់មី គឺបង្ហាញតែ ដំណើរការសាងសង់ផ្ទះរបស់ឪពុកម្តាយក្មេក តែប៉ុណ្ណោះ៕