មិនហ្វេនមិនតិចនោះទេ ដែលទន្ទឹងរងចាំនូវស្ទីលថ្មីៗរបស់តារាចម្រៀង មាស សុខសោភា។ អាចនិយាយបានថា ជាតារាជើងចាស់ ដែលបានប្រឡូកក្នុងវិស័យសិល្បៈរយៈពេលជាង១០ ឆ្នាំហើយ ឃើញថាកំពូលតារាចម្រៀង មាស សុខសោភា នៅតែឆក់យកទីផ្សារបានខ្ពស់ រួមទាំងទទួលបានសម្លេងគាំទ្រខ្លាំងពីមហាជន និងអ្នកគាំទ្រខ្លាំងគ្រប់មជ្ឈដ្ឋាន និងស្ទើរតែពាសពេញក្នុងប្រទេសកម្ពុជា។

ដោយឡែកអ្វីដែលកាន់តែធ្វើឲ្យអ្នកគាំទ្រចាប់អារម្មណ៍ខ្លាំងនោះ គឺថ្មីៗនេះ នៅលើគណនី Instagram របស់អ្នកនាងផ្ទាល់បានបង្ហោះរូបថតស៊ិចស៊ី អាវក្រហមស្រស់វាលល្វែងលើ អមនឹងខោខ្លី បូករួមនឹងការតុបតែមុខបែបខ្យូតទៀតនោះ រឹតតែលើកសម្រស់នាងកាន់តែក្មេងជាងវ័ ពោលគឺកម្របានឃើញអ្នកនាងបង្ហោះរូបបែបនេះពីមុនណាស់។

តួយ៉ាង ថ្វីបើបច្ចុប្បន្ននេះ កំពូលតារាចម្រៀងសម្លេងស្រទន់ ផ្អែមមានទឹកដមពីរោះ មាស សុខសោភា ទើបតែចូលជ្រកក្នុងទ្រនំថ្មីក៏ដោយ ប៉ុន្តែអ្នកនាងនៅតែចេញបទចម្រៀងថ្មីៗពីរោះៗជាបន្តបន្ទាប់ ដើម្បីកំដរអារម្មណ៍អ្នកគាំទ្រជានិច្ច មិនតែប៉ុណ្ណោះតារាស្រីរូបនេះ បានឆក់យកចំណាប់អារម្មណ៍ពីអ្នកគាំទ្រ ដោយសារតែសម្រស់របស់នាងផងដែរ៕