(ភ្នំពេញ)៖ តារាសម្ដែង និងជាពិធីការិនីកូនកាត់អាល្លីម៉ង កញ្ញាម៉ៃយ៉ា ក្រោយចូលសិល្បៈបានច្រើនឆ្នាំ តារារូបនេះកាន់តែទទួលបានឈ្មោះល្បីល្បាញ មានមហាជនស្គាល់ និងគាំទ្រច្រើនគួរឲ្យកត់សម្គាល់។ ជាពិសេស រាល់សកម្មភាពប្រចាំថ្ងៃរបស់តារាស្រីរូបនេះ ក៏ត្រូវបានអ្នកគាំទ្រមិនតិចនោះទេ រងចាំតាមដាន មិនថាការងារសិល្បៈ ឬរឿងផ្ទាល់ខ្លួនឡើយ។ ខណៈថ្មីៗនេះ អ្នកលេងបណ្តាញសង្គម ហាក់មានការភ្ញាក់ផ្អើល ពេលតារាស្រីស្រស់សោភាដួងនេះ បញ្ចេញក្រែឈើយ៉ាងប្រណិត អមដោយក្បូរក្បាច់រចនាយ៉ាងទាក់ទាញ ភ្ជាប់នឹងតម្លៃរហូតដល់ ២ម៉ឺនដុល្លារអាមេរិក ដែលជាកាដូរឪពុករបស់នាងផ្តល់ឲ្យ។

តារាសម្ដែងស្រីសម្រស់កប់នេត្រាកញ្ញា ម៉ៃយ៉ា បានបង្ហោះរូបភាពមួយសន្លឹក បង្ហាញរូបរាងគ្រែឈើយ៉ាងស្រស់ស្អាត នឹងមានក្បូរក្បាច់រចនាយ៉ាងប្រណិត ដោយភ្ជាប់ជាមួយសំណេរទម្លាយតម្លៃ និងអាយុកាលរបស់គ្រែនេះ ដែលធ្វើឱ្យអ្នកលេងបណ្តាញសង្គម ដឹងហើយភ្ញាក់ផ្អើល នឹងមានអ្នកខ្លះដក.ក ចំហរមាត់ ព្រោះនឹកស្មានមិនដល់ចំពោះតម្លៃថ្លៃលើសលុបនៃគ្រែបុរាណមួយនេះឡើយ។

ដោយសំណេរខ្លី បញ្ជាក់តម្លៃ និងអាយុកាលច្បាស់ៗនេះ ត្រូវបានតារាសម្ដែងស្រីមានគូស្នេហ៍ជាភេទដូចគ្នាកញ្ញា ម៉ៃយ៉ា បានរៀបរាប់ទាំងចិត្តសោមនស្សរីករាយពោរពេញដោយក្ដីស្រឡាញ់ចំពោះគ្រែដ៏មានតម្លៃនេះថា «មិនមែន ១០០$ រឺ ១,០០០ទេ គឺ ២០,០០០$ គ្រែនេះ ១៧ឆ្នាំហើយទុកចោលមិនដែរគេង ប៉ាថាឲ្យកូនគេងឲ្យលើករាសី ស្អាតទេបងប្អូន»៕