(ភ្នំពេញ)៖ ត្បិតមិនទាន់ប្រកាសពីគម្រោងចូលរោងជ័យក៏ដោយ តែតារាសម្តែង ឌី សូនីតា និង អេឡិច ហ្សូរ៉ា ហាក់ទទួលបានក្តីស្រឡាញ់កាន់តែខ្លាំងក្នុងជីវិតគូរបស់អ្នកទាំងពីរ។ ជាពិសសនោះ គឺការបង្ហាញពីសុភមង្គលកាន់តែខ្លាំង បន្ទាប់ពីអ្នកទាំងបីទទួលបានកាកូចំណងស្នេហ៍ គឺកូនស្រីម្នាក់ឈ្មោះក្រៅថា «Smile»។ អ្វីដែលមហាជនចាប់អារម្មណ៍ គឺអ្នកនាង ឌី សូនីតា ត្បិតថាធ្លាប់មានកូនម្នាក់រួចហើយ តែងាកមកមើលពីសម្រស់វិញ ហាក់មិនប្រែប្រួលនោះទេ ខណៈជានិច្ចកាលនាងតុបតែងខ្លួនឡើងខ្ញង់ ដូចក្រមុំអ៉ីចឹង។

ជាក់ស្តែង នៅថ្ងៃនេះ តារាសម្ដែង និងជាអ្នកម៉ាក់គួរឱ្យស្រឡាញ់ ឌី សូនីតា បានបង្ហោះរូបភាពមួយសន្លឹក ស្ថិតក្នុងឈុតរ៉ូបពណ៌ខ្មៅវៀលខ្នងបញ្ចេញសាច់ខ្ចី ផ្នែករ៉ូបខាងក្រោមឆែកដល់គល់ភ្លៅឡើងស្រឡូនម៉ដ្ឋខៃ ឈរសម្ញែងរាងកាច់ស្ទីលមិនចាញ់តារាបង្ហាញម៉ូដតែម្ដង ដែលធ្វើឱ្យហ្វេនៗជាច្រើនឃើញហើយលាន់មាត់សរសើរមិនដាច់នោះឡើយ ខណៈនាងមានកូនមួយហើយបែរពូកែថែរក្សាសម្ផស្សបានស្អាតបែបនេះ។

រូបភាពដ៏ស្រស់ស្អាតជាចំណីចក្ខុបងប្អូនមហាជនអ្នកគាំទ្រនេះដែរ ត្រូវបានគូស្នេហ៍របស់តារាសម្ដែងលោក អេឡិច ហ្សូរ៉ា មានភ្ជាប់ជាមួយសំណេររៀបរាប់ដូច្នេះថា «ម៉ាមីនៅតែផ្ទះពេក បោសជូត រើរុះទូ ចុះឡើងៗថា ចង់ប្រមូលលក់ខោអាវមួយទឹក ក៏ឃើញរ៉ូបពីមុនកាលនៅរាងXS យកមកសាកពាក់លេង មិនគួរឲ្យជឿលោកព្រះ ពាក់ត្រូវវិញ ហាត់ប្រាណ១ខែនិងញាំរបបអាហារ លឿនដល់ថ្នាក់ហ្នឹង?? ទីបញ្ចប់ម៉ាមីស្រកគីឡូបានសម្រេចហើយ ពី57kg មកនៅ50kg នៅសល់តែ៣គីឡូទៀតដូចដើមហើយ»៕