តារាចម្រៀងស្រីដែលមានដើមទុនល្អ បកស្រាយបទចម្រៀងជាភាសាអង់គ្លេសបានពីរោះ និងអតីតជាបេក្ខនារីប្រឡង The Voice Cambodia រដូវកាលទី២ ត្រឹមវគ្គពាក់កណ្តាលផ្តាច់ព្រ័ត្រ កញ្ញា រ៉េត ស៊ូហ្សាណា កំពុងតែមានរាសីឡើងស្រឺតៗ ហើយក៏ចេះដូរស្ទីលតុបតែងកាយប្លែកៗ និងបានចេញបទចម្រៀងទាក់ចិត្តយុវវ័យ ដើម្បីតម្រូវតាមទីផ្សារសិល្បៈបង្កើតការភ្ញាក់ផ្អើលដល់មហាជន។
ទន្ទឹមនឹងមានសន្ទុះក្នុងវិស័យសិល្បៈនេះ តារាចម្រៀងស្រីស្ថិតក្នុងចំណោមអ្នកចម្រៀងផ្នែកយុវវ័យដែលលេចធ្លោរប្រហាក់ប្រហែលនាងតន់ ច័ន្ទសីម៉ា ,រ៉ាប៊ី និងយូរី រូបនេះ ក៏មានបញ្ហារឿងរបាំស្នេហាដូចគ្នា ។ ហ្សាណា ត្រូវបានប្រភពអ្នកសិល្បៈទម្លាយថា ក្រៅពីត្រូវឪពុកម្ដាយតាមស្អិតនោះ ហ្សាណា ក៏ត្រូវបានគ្រួសារព្រមានថា បើសិននាងប៉ៈរឿងអាស្រូវស្នេហាណាមួយនោះនឹងមិនឲ្យបន្ដច្រៀងរាំទៀតឡើយព្រោះនាងត្រូវឪពុកដាក់ល័ក្ខខណ្ឌឲ្យ យកការសិក្សារជាជម្រើសទី១ចំណែកការងារសិល្បៈជាជំហ៊ានទី២។ តែយ៉ាងណាមិញ រ៉េត ស៊ូហ្សាណា ធ្លាប់បង្ហាញសញ្ញាថា ពេលនេះបេះដូងនាងមិនមែនទំនេរនោះទេគឺ មានម្ចាស់ចិត្តទៅហើយព្រោះនាងធ្លាប់កាន់ដៃប្រុសម្នាក់ហើយ សុំឲ្យបុរសនោះកុំលែងដៃនាងកណ្ដាលទីទៀតផង។
យ៉ាងណាមិញ រ៉េត ស៊ូហ្សាណា មិនដែលបង្ហាញមុខម្ចាស់ចិត្តជាចំហម្ដងណាឡើយ ហើយនាងមិនសូវមានការសង្ស័យថា នាងមានគូស្នេហ៍ឧបត្ថម្ភដូចតារាផ្សេងៗទៀតទេ ព្រោះសម្អាងថានាងជាតារាដែលមានឪពុកម្ដាយមានជីវភាពធូធារតាំងពីមុននាងឈានជើងចូលសិល្បៈម្លេះ។ កាលពីដើមខែមករា ហ្សាណា បានទិញផ្ទះ២ជុងជាប់គ្នាដែលមានតម្លៃខ្ទង់ជាង២០ម៉ឺនដុល្លារ ហើយពាក់កណ្ដាលខែឧសភាពោលគឺមិនដល់៤ខែផងនាងទិញរថយន្ដទំនើបម៉ាកJeep Rubicon តម្លៃ៨៧០០០ដុល្លារ១គ្រឿងទៀត ជិះយ៉ាងកាលីពតែម្ដង៕
មតិយោបល់