ថ្មីៗនេះ សារព័ត៌មាន Dailymail បានចេញផ្សាយនៅកម្រងរូបភាពមួយចំនួនរបស់តារាចម្រៀងរូបស្រស់ Selena Gomez ដែលបានដើរចេញក្រៅទៅញ៉ាំអាហារថ្ងៃត្រង់ជាមួយមិត្តភក្តិរបស់នាងក្នុងភោជនីយដ្ឋានមួយកន្លែងនៅក្រុង Los Angeles។
ការបង្ហាញខ្លួនលើកនេះ Selena បានធ្វើឱ្យមហាជន ក៏ដូចជាអ្នកគាំទ្រមានការភ្ញាក់ផ្អើលជាខ្លាំង ដោយសារស្រីស្រស់រូបនេះ បានប្រែប្រួលរូបរាងកាន់តែមានសាច់ជាងពីមុនខ្លាំង។ ក្នុងសម្លៀកបំពាក់យ៉ាងសាមញ្ញ អាវយឺតដៃវែងចង្កេះខ្លី ជាមួយនឹងខោសាច់ក្រណាត់ពណ៌ខ្មៅ Selena បង្ហាញច្បាស់ៗពីសាច់ក្បាលពោះ មុខប៉ោងៗ ខុសប្លែកពីមុនយ៉ាងខ្លាំង។
ទោះជាយ៉ាងណា ម្ចាស់បទ «Come and Get It» រូបនេះ នៅតែទទួលបានការកោតសរសើរចំពោះរូបនាងដដែល បើទោះជានាងមានសាច់ជាងមុនបន្តិចក៏ដោយ។ Selena ទទួលបានការស្ញប់ស្ញែងចំពោះការបង្ហាញអ្វីជាខ្លួននាង ដោយមិនមានភាពលាក់បាំង ខ្មាសអៀននោះទេ។ នាងត្រូវបានគ្រប់គ្នាសរសើរថា ជាតារាស្រីមានសម្រស់ស្រស់ស្អាតពីធម្មជាតិ បើទោះបីជាមិនមានការផាត់មុខក៏ដោយ៕
មតិយោបល់