(ភ្នំពេញ)៖ កញ្ញា ដួង ហ្សូរីដា គឺជាពិធីការិនី និងតារាសម្តែងល្បីឈ្មោះមួយរូបក្នុងប្រទេសកម្ពុជា ដែលបច្ចុប្បន្ន គឺជាម្ចាស់ហាង មុទិតា និងជាអ្នកជំនួញស្ត្រីដ៏រឹងមាំ និងជោគជ័យម្នាក់ផងដែរ។ ដោយសារពេលនេះ ជារដូវកាលបុណ្យទាន គេសង្កេតឃើញថា កញ្ញា ដួង ហ្សូរីដា និងប្អូនៗ បានមូលមតិគ្នាទៅវត្ត ធ្វើបុណ្យ និងបានសម្រេចចិត្តជាង ផ្ទាំងថ្មភក់មួយផ្ទាំងធំ ដែលមានតម្លៃជាង២ពាន់ដុល្លារ ដើម្បីទុកតម្កល់ក្នុងបរិវេណវត្តប្រាសាទ ដើម្បីឲ្យយកូន ខ្មែរ ជំនាន់ ក្រោយ បាន ឃើញ និងបានស្គាល់ ថែមទៀតផង។

កញ្ញា ដួង ហ្សូរីដា បានសរសេររៀបរាប់ថា «ថ្ងៃទី២៧ ខែកញ្ញា ឆ្នាំ២០២១ ជូន កូន ពៅ មក ចេតិយ លោក ពុក ក្នុងថ្ងៃខួបកំណើត ឆ្លៀតឱកាសឪទ្ទិសកុសលក្នុងបិណ្ឌទី៦ ជូនដូនតា ក្នុង ឱកាស ភ្ជុំ បិណ្ឌ ផង ។ ដកប្រាក់ចំណេញ ៥% ពីការលក់ផលិតផល មុទិតា ដើម្បីជាវ ផ្ទាំង ថ្មភក់ មួយ ផ្ទាំងធំនេះតម្លៃ៖ ២,២០០$ ពីខេត្តព្រះវិហារ»។

ថៅកែស្រីរូបនេះ បានបន្ថែមថា «តាមរយ:លោកឪ សោម ស៊ីម ព្រះចៅ អធិកាវត្ត ប្រាសាទ ទុកតម្កល់ក្នុងបរិវេនវត្តប្រាសាទ ជិតសួន ច្បារចេតិយ លោក ឪពុក ដើម្បី ឱ្យកូនខ្មែរជំនាន់ក្រោយបានស្គាល់ពីមរតកធម្មជាតិរបស់ជាតិខ្មែរនៃ ខេត្តព្រះវិហារ» ។

ឆ្លើយតបនឹងទឹកចិត្តដ៏ប្រពៃរបស់កញ្ញា ដួង ហ្សូរីដា នៅពេលនេះ មហាជនអ្នកប្រើប្រាស់បណ្ដាញសង្គម បានសម្ដែង នូវការស្ងើច សរសើរ យ៉ាង ខ្លាំង ចំពោះទឹកចិត្តជ្រះថ្លា និងភាពកត្តញ្ញូរបស់កញ្ញា ដួង ហ្សូរីដា ខណ:ដែលនាងក៏ បាន អំពាវនាវឲ្យមហាជនបន្តគាំទ្រខ្លួន និងបានជួយកិច្ចការងារសង្គមជាបន្តទៀត។