(ភ្នំពេញ)៖ ប្រិយមិត្តអ្នកអានពិតជាបានជ្រាបច្បាស់ហើយ ពីរឿងរ៉ាវទំនាស់រវាងសេដ្ឋីនី ទ្រី ដាណា និង លោក ហ៊ីង សុបញ្ញារិទ្ធ( ហៅពូម៉ៅ) ខណៈប្តីប្រពន្ធមួយគូនេះ បានឈានដល់ការចែកផ្លូវគ្នា ព្រោះតែមានរឿងគ្រួសារផ្ទៃក្នុង។ តែយ៉ាងណា ខណៈលោកស្រី ទ្រី ដាណា បានបញ្ជាក់យ៉ាងច្បាស់ៗ ពីការបញ្ជប់ទំនាក់ទំនងទាំងស្រុងជាមួយអតីតស្វាមី គឺពូម៉ៅនោះ នៅពេលនេះ ស្រាប់តែពូម៉ៅ ចេញមុខឡាយវីដេអូទាំងទឹកភ្នែក បង្ហាញការដឹងកំហុស និងចង់រួមរស់ជាមួយប្រពន្ធកូនវិញ។

តាមរយៈវីដេអូនិយាយបណ្តើរយំបណ្តើរ ព្រោះតែការនឹករលឹកដល់ប្រពន្ធនិងកូនៗ ពូម៉ៅ បាននិយាយស្នើរសុំដល់ភរិយាឲ្យទៅដកពាក្យបណ្តឹងសុំលែងលះនៅតុលាការវិញ ខណៈលោកបានដឹងកំហុសព្រមកែខ្លួន ធ្វើតាមប្រពន្ធ ឲ្យតែបានជួបជុំគ្នាសារវិញ។

តែយ៉ាងណាមិញ ងាកមកមើលលោកស្រី ទ្រី ដាណា វិញ ត្រូវបានគេមើលឃើញថា ហាក់មិនទាន់មានសញ្ញាណាមួយ បើកភ្លើងខៀវឲ្យស្វាមីឡើយ ដោយនៅតែប្រកាន់មិនលើកលែកទោសកំហុសឲ្យ៕