(ភ្នំពេញ)៖ នារាត្រី ថ្ងៃអង្គារ៍ ទី១៦ ខែវិច្ឆិកា ឆ្នាំ២០២១កន្លងទៅថ្មីៗនេះ មហាជន អ្នកលេងបណ្តាញសង្គម និងជាពិសេសអ្នកនិយមគាំទ្រតារាចម្រៀងស្រីដ៏ល្បីកញ្ញា ទេព បូព្រឹក្ស បានផ្ទុះការភ្ញាក់ផ្អើល និងលាន់មាត់សរសើរស្ទើរតែគ្រប់ ក្រោយពេលដែលបានឃើញ TEASER បទចម្រៀងថ្មី បង្កប់នូវអត្ថន័យ ចំណងជើងថា «វីរនារី» របស់តារាស្រីរូបនេះបង្ហោះនៅលើគេហទំព័រហ្វេសប៊ុក និងយូធូប។

ក្រោយមើលវីដេអូខ្លីនៃចម្រៀង «វីរនាតី» ឬជាភាសាអង់គ្លេសថា «The Top Of Lady» នេះ បានបង្ហាញនូវឈុតឆាកចម្បាំងដ៏អង់អាចក្លាហាន ប្រៀបបានទៅនឹងខ្សែភាពយន្តមួយ ហើយឈុតឆាក និងប្លង់ថតទៀតសោតក៏មានកម្រិតច្បាស់ និងគុណភាពខ្ពស់ ព្រមទាំងមានរំលេចនូវសាស្រ្តាស្លឹករឹតខ្មែរ ដែលរឹតតែបង្កើនឲ្យវីដេអូចម្រៀងនេះមានប្រជាប្រិយភាពកាន់តែខ្លាំងឡើង។

តាមរយៈបញ្ចេញបទចម្រៀងមួយនេះ ទេព បូព្រឹក្ស បានសរសេរសារថា «មហិច្ឆតា និងភាពអស្ចារ្យនៃ កេរ្តិ៍ ដំណែល បុព្វបុរស បុព្វការី ខ្មែរគឺបាន បន្សល់ ទុក នូវ ភាពអស្ចារ្យ និង មហាសាល ក្រៃលែង នេះគឺជា កាតព្វកិច្ច របស់ខ្ញុំក៏ដូចជាកូនខ្មែរគ្រប់រូបក្នុងការចូលរួមរក្សានិង បង្ហាញ ទៅ កាន់អម្បូរមនុស្ស ទូទាំង ប្រទេស ទូទាំង ទ្វីប ទូទាំង ពិភពលោក អោយបានឃេីញអំពី ការ បន្សល់ ទុក នូវ កេរ្តិ៍មរតក ដ៏ មហិមា ដែលសូម្បីតែមាស ទំហំ ប៉ុន ភ្នំ ក៏មិនអាចប្រៀបបាន ហេីយ រឹតតែ មិនអាច នឹងយក មក កាត់ ថ្លៃបាន ដោយសេចក្តីដឹងគុណ ចំពោះ មាតាបិតា ថែរក្សាដែនដី សុវណ្ណ ភូមិ ជាម្ចាស់ ដ៏ ប្រាកដ កូនសូមថ្វាយនូវ ស្នាដៃនេះទុកជា សារក៏ដូចជាការបំផុសបំផុល ដល់កូនខ្មែរគ្រប់រូបមិនថានៅទីនេះឬកូនខ្មែរដែលនៅទីណាអោយតែមានឈាម ជាខ្មែរអោយបានដឹងថានេះជា សមិទ្ធផល ដែលកេីតចេញពីសេចក្តីប្រាថ្នារបស់កូនខ្មែរម្នាក់នេះមុននឹងបិទភ្នែក ត្រឡប់ ទៅឋានវិញកូនក៏បានធ្វេីរឿង គប្បី ដេីម្បីមាតាបិតានិងដេីម្បីដូនតាហេីយ »។

នាងបនត្ថា « សំេណរចុងក្រោយនេះសម្រាប់ វីរនារី ទូទាំង សកល ចូលចាំ ថា អ្នកគឺជា មាតា អ្នក គឺជា ស្តេច អ្នកគឺជា មេទ័ព អ្នកគឺជាអ្នកប្រយុទ្ធ ដ៏ អង់អាច ចូលអ្នកមេីលអោយឃេីញនូវតម្លៃដ៏ អស្ចារ្យ របស់អ្នក ដោយក្តីស្រលាញ់ពីខ្ញុំ ទេព បូព្រឹក្ស បុត្រីនៃ បុព្វបុរស ខ្មែរ »៕