(ភ្នំពេញ)៖ បេក្ខនារីកម្ពុជាកញ្ញា ប៉ូ គីមថេងសុតធីតា បានគ្រងឈុតតំណាងជាតិមានឈ្មោះថា «ក្សត្រីក្រុងកម្ពុជានៃវប្បធម៌អរិយធម៌» នៅវេលាយប់ម៉ោង៧៖០០នាទីថ្ងៃទី៣០ ខែវិច្ឆិកា ឆ្នាំ២០២១នេះ ម្សិលមិញនេះ ខណ:បច្ចុប្បន្នចូលដល់វគ្គបោះឆ្នោត ដើម្បីទទួលបានជ័យជម្នះលើឈុតតំណាងជាតិ ពីកម្មវិធី «Miss Grand International»។
ដើម្បីឲ្យបេក្ខនារីកម្ពុជាដែលគ្រងឈុតតំណាងជាតិឈ្មោះ «ក្សត្រីក្រុងកម្ពុជានៃវប្បធម៌អរិយធម៌» បានទទួលជ័យជម្នះសូមចូលរួមបោះឆ្នោតតាមរយ:ទី១៖ តាមរយ: Facebook: 1 Like = 1 Point, 1 Share = 2 Points និងទី២៖ តាមរយ: Instagram: 1 Like = 10 Points។ ដើម្បីអាចបោះឆ្នោតតាម Instagram ជាដំបូងត្រូវចូលទៅ Follow គណនី Instagarm ផ្លូវការរបស់ Miss Grand International ជាមុនសិន។
គួរជម្រាបថា ឈុតតំណាងជាតិ «ក្សត្រីក្រុងកម្ពុជានៃវប្បធម៌អរិយធម៌» គឺបាននាំយកទាំងព្យញ្ជន:ខ្មែរ ដួងព្រលឹងជាតិ និងឆ្នេរខ្សាច់សស្អាតនាខេត្តព្រះសីហនុ បូកបន្ថែមក្បូរក្បាច់រចនាយ៉ាងប្រណីតនៅក្នុងឈុត មានបង្កប់ក្នុងឈុតនេះផងដែរ។ ស្នាដៃនៃឈុតតំណាងជាតិនេះ គឺគូររូបដោយ លោក អាន សាមួន ច្នៃម៉ូតដោយលោក លី ភក្រ្តារដ្ឋហ្វុង និងលោក សាយ ធារ៉ា៕
មតិយោបល់