Post News Media ព័ត៌មានសិល្បៈ និងកម្សាន្ត ឌួង ម៉ានិច និ...

ឌួង ម៉ានិច និយាយពីប្លង់ចាក់ទឹកងូត​កំពុងល្បីលើហ្វេសប៊ុក

បន្តកន្ទុយគ្នា អស់ពីប្លង់​ឱបថើបក្នុងទឹក​នោះ នៅម្សិលមិញនេះដែរ ក៏មានការចែកចាយវីដេអូថ្មីមួយទៀត របស់ ឌួង ម៉ានិច ប្លង់​ងូតទឹក បង្ហាញសាច់សខ្ចី​ ធ្វើឲ្យអ្នកលេងបណ្តាញសង្គមយក្សហ្វេសប៊ុក ចាប់អារម្មណ៍យ៉ាងខ្លាំង។​

ជាមួយប្លង់​វីដេអូថត​ងូតទឹក បញ្ចេញសាច់សខ្ចីនេះដែរ នៅរសៀលថ្ងៃទី​២៤ ខែកុម្ភ: ឆ្នាំ​២០១៧ ឌួង ម៉ានិច បានប្រាប់ Post Komsan ក៏ដូចជា Post News Media ឲ្យដឹង សម្រាប់វីដេអូដែលគេចែកចាយ​នៅលើហ្វេសប៊ុកនោះ វាគ្រាន់តែជាប្លង់មួយ ក្នុងរឿងពស់កេងកង ខណ:ដែលប្តីកាប់ឲ្យស្លាប់ទៅនាងក៏បានស្រម៉ៃ ។

តារាសម្តែងដែលកំពុងឡើងកូដ ឌួង ម៉ានិច ថា «ក្រោយប្តីខ្ញុំកាប់ឲ្យស្លាប់ ក៏ស្រម៉ៃ នឹកឃើញពីអនុស្សាវរីយ៍ ដែលពស់កេងកងគាត់ធ្វើល្អជាមួយ ដោយថ្នាក់ថ្នម តែ​សម្រាប់មាណពដើរ​តួជាប្តីនេះ អត់មានថ្នាក់ថ្នមនោះទេ មានតែ​វៃតប់ធ្វើបាប»។​

បញ្ជាក់ផងដែរសម្រាប់ រឿងពស់កេង គឺជា​ការបោះទុនផលិត​របស់ស្ថានីយ៍ទូរទស្សន៍ PNN ដែលកំពុងទទួលបានការចាប់អារម្មណ៍ ខណ:ដែល​សាច់រឿង​នេះមិនទាន់ផលិតរួចស្រេច ជាផ្លូវការនោះ៕​
ទស្សនាវីដេអូឃ្លិបដូចខាងក្រោមនេះ៖