(ភ្នំពេញ)៖ តារាប្រុស លោក ប៉ែន ចំរ៉ុង ត្រូវបានមហាជនទូទៅស្គាល់ថា គឺជាតារាសម្ដែង និងពិធីកររូបសង្ហា ពូកែវោហាស័ព្ទមួយរូប។តារារូបនេះ មានភាពល្បីល្បាញខ្លាំង តាមរយ:ទេពកោសល្យនៃការសម្តែងភាពយន្ត មានដុងសិល្ប:ពីកំណើត មិនថាជាតួអង្គប្រភេទសុភាពរាបសារ ក្មេងពាល ឬឆ្កួតឡប់ឡើង គឺលោកសម្តែងបានទាំងអស់។

ទោះបីជាលោកកំពុងឈរនៅចំណុចខ្ពស់យ៉ាងណា ក៏មិនដែលភ្លេចកំណើតដើមនោះឡើយ។ ជាក់ស្តែងនៅមុននេះបន្តិច លោកបានបង្ហោះរូបភាពមួយសន្លឹក បង្ហាញជាមួយនិងលោក សួន ពិសិដ្ធ លោក ម៉េង ប៊ុនឡូ និងរូបលោកផ្ទាល់ ថតនៅឆ្នាំ ២០០៤ ខណ:រូបលោកបានចូលរួមថតកុនលើកដំបូងៗក្នុងរឿង “ចៅពស់កេងកង” ដែលដឹកនាំសម្តែងដោយ ហ្វៃ សំអាំង គិតមកដល់ពេលបច្ចុប្បន្ននេះ មានរយ:ជិត២០ហើយ។

ប៉ែន ចំរ៉ុង អះអាងថា នៅតែមិនភ្លចគុណដល់លោក ហ្វែ សំអាង ដែលបាននាំឲ្យរូបលោកស្គាល់ការសំដែងដ៏អស្ចារ្យក្នុងពិភពភាយន្ត ធ្វើឱ្យមហាជនខ្មែរបានស្គាល់រហូតមានឈ្មោះបោះសំឡេង មកដល់សព្វថ្ងៃនេះ ។ លោក ហ្វែ សំអាង ដែលជាអ្នកដឹកនាំរឿងដ៏ល្បីឈ្មោះ គឺជាអ្នកមានគុណដំបូងក្នុងពីភពសិល្ប:របស់ ប៉ែន ចំរ៉ុង និងមានអ្នកមួយចំនួនទៀត។

ក្នុងនោះដែរ ប៉ែន ចំរ៉ុង ក៏បានបញ្ជាក់នៅគណនីហ្វេសប៊ុករបស់ខ្លួនថា “នៅតែមិនភ្លេចលោកឈុំ អាឈុន លោកមុំ បូវី និងក្រុមកាងារទាំងអស់ ជាគ្រូសម្តែងភាពយន្តខ្នាតធំលើកទី១របស់ខ្ញុំ។ ពិសេសបងប្រុស ហ្វៃសំអាងជាអ្នកមានគុណដំបូង ដែលបាននាំខ្ញុំឲ្យស្គាល់ការសំដែងដ៏អស្ចារ្យក្នុងពិភពភាយន្ត”។

សូមបញ្ជាក់ថា បែន ចំរ៉ុង មានប្រភពពីខេត្តបាត់ដំបង ដោយបានចូលប្រឡូកក្នុងវិស័យសិល្ប:អំឡុងឆ្នាំ២០០០។ លោកជាតារាសម្ដែងមួយរូបដ៏មានទេព្យកោសល្យ ជាពិសេសកាយវិការបែបកំប្លុកកំប្លែង និងជាពិធីករដ៏មានវោហារផផងដែរ។ តាមរយ:ការអភិវឌ្ឍន៍ខ្លួនជាបន្តបន្ទាប់ តារាកូនពីររូបនេះ ក៏តែងបានបង្ហាញខ្លួននៅក្នុងកម្មវិធីថ្នាក់ជាតិធំៗជាបន្តបន្ទាប់៕