(ភ្នំពេញ)៖ ពេជ្រ សោភា គឺជាតារាចម្រៀងល្បីឈ្មោះបោះសំឡេងមួយរូប ក្នុងប្រទេសកម្ពុជា។ ប្រឡូកក្នុងវិស័យសិល្បៈជាច្រើនឆ្នាំមកនេះ ពេជ្រ សោភា បានកសាងកេរ្តិ៍ឈ្មោះល្បីល្បាញ និងមានអ្នកគាំទ្រជាច្រើន ចាំគាំទ្រនិងលើកទឹកចិត្តនាងរាល់កាលៈទេសៈទាំងអស់។ តែយ៉ាងណា ថ្មីនេះនាង អ្នកគាំទ្រហាក់ភ្ញាក់ផ្អើលជាខ្លាំង ក្រោយតារារូបនេះប្រកាសឈប់ច្រៀង។

ពេជ្រ សោភា បានសរសេរសារថា «អរគុណបងប្អូនទូទាំងប្រទេស អរគុណបងប្អូនខ្មែរ អស់រយះពេលច្រើនឆ្នាំមកនេះដែលស្រឡាញ់ និងចូលចិត្តខ្ញុំ យប់នេះខ្ញុំឈប់ច្រៀងហើយ ការងារដែលនៅសល់ខ្ញុំនឹងធ្វើឱ្យអស់
អញ្ចឹងសុំលាទាំងអស់ជួបរឿងដដែលៗច្រើនពេកហើយ ហ ត់(ខ្ញុំស្រីពៅ)»។

យ៉ាងណាមិញ អ្នកគាំទ្រ ជាច្រើននាំគ្នា និយាយលើកទឹកចិត្តដល់ ពេជ្រ សោភា ឱ្យរឹងមាំ ខ្លះទៀតលើកទឹកចិត្តឱ្យ តារារូបនេះ បន្តច្រៀងតទៀត ដោយសារពួកគេជាអ្នកគាំទ្រអស់រយៈពេលជាច្រើនឆ្នាំមកហើយផងដែរ៕