(បរទេស)៖ កាលពីពេលថ្មីៗនេះ បន្ទាប់ពីបញ្ចប់ការចូលរួមក្នុងកម្មវិធី Prais Fashion Week នៅប្រទេសបារាំង តារាចម្រៀង Jennie សមាជិក BLACKPINK ក៏បានធ្វើដំណើរបន្ត ទៅចូលរួមកម្មវិធីមួយទៀតនៅឯសហរដ្ឋអាមេរិក ដែលធ្វើឲ្យអ្នកគាំទ្រនៅទីនោះមានការភ្ញាក់ផ្អើលនឹងវត្តមាននាងជាខ្លាំង។

ជាមួយគ្នានេះដែរ ក្នុងថ្ងៃនេះផ្ទាល់តែម្ដង Jennie ក៏បានចូលរួមក្នុងកម្មវិធីមួយនៅលើទឹកដីកោះហាវ៉ៃជាមួយអ្នកល្បីៗជាច្រើន ដោយនាងក៏បានតែងខ្លួនជាមួយឈុតពណ៌ផ្កាឈូកយ៉ាងស្រស់ស្អាត។

ដែលគ្រប់គ្នាកាន់តែចាប់អារម្មណ៍ជាងនេះទៅទៀត យើងឃើញថា ក្នុងរូបភាពដែល Jennie បានថតបង្ហោះមើលទៅរាងរបស់នាងពិតជាស្លីមស្អាតមែនទែន។ ប៉ុន្តែនៅពេលយើងក្រឡេកមកមើលវីដេអូមួយដែលគេថតបានដោយនាងមិនដឹងខ្លួន នៅពេលដែល Jennie កំពុងរាំលេងកម្សាន្ត យើងបែរជាឃើញនាងហាក់បីដូចជាដុះក្បាលពោះប្លែកខុសពីធម្មតា ដែលធ្វើឲ្យក្រុមអ្នកគាំទ្រ មានការភ្ញាក់ផ្អើល និងនាំគ្នាចែករំលែកជាមួយពាក្យឡកឡាយលេងសើចជាហូរហែ៕