(កូរ៉េ)៖ កាលពីថ្ងៃទី ២៨ ខែមិថុនា កន្លងទៅ យោងតាមកាសែត Herald Pop បានរាយការណ៍ថា រូបរាងរបស់តារាចម្រៀងស្រី Park Bom នៅតែបន្តទាក់ទាញការចាប់អារម្មណ៍ពីទស្សនិកជនជាច្រើន បន្ទាប់ពីនាងបានបង្ហោះវីដេអូថ្មីមួយ នៅលើទំព័រផ្ទាល់ខ្លួន។
តាមរយ: វីដេអូ ខ្លីនោះ តារាស្រី Park Bom បានបង្ហាញពីការ ស្វាគមន៍ ដល់អ្នកគាំទ្រយ៉ាងកក់ក្ដៅ ដែលធ្វើឲ្យពួកគេមានភាពសប្បាយចិត្តជាទីបំផុត ព្រោះតែតារាស្រីរូបនេះបានចេញមកអាប់ដេត បន្ទាប់ពី បានបាត់មុខយូរពីការប្រើប្រាស់បណ្តាញសង្គម។
អ្វីដែលគួរឲ្យកត់សម្គាល់នោះគឺ រូបភាពថ្មីរបស់ Park Bom បែរជាបានក្លាយជាប្រធានបទនៃការពិភាក្សាភ្លាមៗនៅលើបណ្តាញសង្គម បើធៀបនឹងរូបថតមុនៗ បានធ្វើឲ្យមានការលើកឡើងថា មុខរបស់នាង មើលទៅប្លែក និងតូចជាងមុន ជាពិសេសគឺផ្នែកថ្គាម។
តែទោះជាយ៉ាងណា ខាងសារព័ត៌មានកូរ៉េ បានបញ្ចេញមតិថា Park Bom បានផ្លាស់ប្តូររូបរាងរបស់នាង ដោយសារការសម្រកទម្ងន់ និងការតុបតែងខ្លួនរបស់នាង ផងដែរ៕
មតិយោបល់