(ភ្នំពេញ)៖ ដូចដែរដឹងស្រាប់ហើយថា កុមារី ល្អហួស ត្រូវបានមហាជនស្ទើរទូទាំងប្រទេស ទទួលស្គាល់នូវសម្ថភាពដ៏សម្បូរបែប គ្រប់ទម្រង់ ទាំងរាំ ច្រៀង សម្ដែង ថែមទាំងដើរម៉ូដ បានយ៉ាងល្អទៀតផង ដែលកន្លងមក មហាជនខ្មែរតែងដាក់រហ័ស្សនាមឲ្យក្មេងស្រីរូបនេះ ជាតារាសម្តែងថៃ Yayaទី២ ដោយសារតែទម្រង់មុខមាត់ដូចគ្នា។

ទន្ទឹមនឹងនេះ មហាជនកាន់តែផ្ទុះការចាប់អារម្មណ៍ បន្ទាប់ពី ក្មេងស្រីម្នាក់មានមុខមាត់ដូចនឹងល្អហួស ក្រឡេកមួយភ្លែត ស្ទើរបែកចែកមិនបានថា ជាល្អហួសឬអ្នកដទៃ ជាងនេះទៅទៀត រូបនាងក៏បានរៀបរាប់ថា គេឯងភាគច្រើន សុទ្ធតែច្រលំថាខ្លួនជា កុមារី ល្អហួស គ្រប់ៗគ្នា។

នេះពិតជា គួរឲ្យភ្ញាក់ផ្អើលខ្លាំង និងនឹកស្មានមិនដល់ ព្រោះភិនភាគអ្នកទាំំងពីរ ហាក់គ្មានអ្វីដែលខុសគ្នាខ្លាំងប៉ុន្មានឡើយ ដូចកូនភ្លោះ ធ្វើឲ្យអ្នកទស្សនាចង់ក្រឡាប់ចាក់ ៕