(ភ្នំពេញ)៖ ខ្សែភាពយន្ដថៃរឿង «បុព្វេសន្និវាស» ចាប់ផ្ដើមចាក់បញ្ចាំងនៅតាមរោងកុននានា ក្នុងប្រទេសកម្ពុជាកាលពីថ្ងៃទី១១ ខែសីហា។ ចាប់ផ្ដើមចាក់បញ្ចាំង ការរិះគន់ក៏ចាប់ផ្ដើមមានកាន់តែច្រើនដែរពីប្រជាជនខ្មែរ ជាពិសេសសិល្បករខ្មែរដែលស្រឡាញ់វិស័យភាពយន្ដខ្មែរ។
តារាចម្រៀងលោក រតនៈ វិសិដ្ឋ បង្ហាញអារម្មណ៍របស់ខ្លួនទាក់ទងនឹងរឿងបរទេសនេះតាមបណ្ដាញសង្គមនៅថ្ងៃទី១២ ខែសីហា ថា មិនមែនជោរPost តាមគ្នា ឬយ៉ាងណានោះទេ ប៉ុន្ដែលោកបានមើលឃើញអីចឹងមែន។ លោក រតនៈ វិសិដ្ឋ «ខ្ញុំអត់ខ្វល់ផែនទីនោះមានពិតនៅក្នុងសម័យណាមួយរបស់វាទេ តែនេះវាបញ្ជាក់ច្បាស់ៗថា៖ព.ស២៥៦៥ ឬក៏មានបំណងចង់ឲ្យគេយល់ច្រឡំ? ជួយម្នាក់ម៉ាដៃម៉ាជើងទៅ វារៀងហើយ»។
ចំណែកតារាចម្រៀង អ៊ាម វន្នី វិញក៏ប្រត្ដិកម្មមិនខុសគ្នាប៉ុន្មានពីលោក រតនៈ វិសិដ្ឋ ដែរ។ លោកនិយាយថា លោកមិនយល់ គ្រាន់តែឈ្មោះ “ការ៉ាកេត គឺយកពីខ្មែរទៅហើយ ឥឡូវដល់រឿងខាងក្នុងលួចទៀត។ តើយើងនៅតែបន្ដគាំទ្រកុនរបស់គេដល់ណាទៀត លោកក៏សួរទៅកាន់អ្នកដែលគាំទ្រ ឬបានទស្សនាក្នុងន័យដាស់តឿនឲ្យចេះស្រឡាញ់វប្បធម៌ជាតិថា អ្នកបានចូលទស្សនាពេញចិត្ដ ឬនៅ?
អ៊ាម វន្នី «បុព្វេសន្និវាស វគ្គ២ កាន់តែគឃ្លើន រហូតបង្ហាញថាទឹកដីខ្មែរបាត់អស់មួយជ្រុងទៀតទៅលើប្រទេសថៃ តើនេះឬជាអ្វីដែលអ្នកទស្សនា ជាកូនខ្មែរយើងនាំគ្នាគាំទ្រ ទាំងងងឹតងងុលមែនទេ»។
សូមរំលឹកថា ការរិះគន់ និងការបង្ហាញពីភាពឈឺឆ្អាលក្នុងរឿងប្រទេសជិតខាងផលិតខ្សែភាពយន្ដឡើងពាក់ព័ន្ធនឹងប្រវត្ដិសាស្ដ្រ ហើយយកមកចាក់នៅកម្ពុជាពីសំណាក់មហាជន និងអ្នកសិល្បៈមួយចំនួន បានកើតឡើងតាំងពីមុន១ថ្ងៃ នៃការចាក់បញ្ចាំងរឿង “បុព្វេសន្និវាស”។ ពលរដ្ឋខ្មែរ និងអ្នកសិល្បៈខ្មែរ លើកឡើងថា ខ្សែភាពយន្ដនេះ មានឈុតខ្លះបានលួចចម្លងពីខ្មែរ និងមានចេតនាធ្វើឲ្យបរទេសយល់ច្រឡំពីវប្បធម៌ខ្មែរ៕
![](https://i0.wp.com/postnews.com.kh/wp-content/uploads/2017/01/photo_2017-01-17_17-27-24.jpg?fit=630%2C893&ssl=1)
![](https://i0.wp.com/domneng.news/wp-content/uploads/2022/08/298458077_5354806681268192_156415644192752254_n.jpg?resize=800%2C1000&ssl=1)
![](https://i0.wp.com/postnews.com.kh/wp-content/uploads/2017/01/photo_2017-01-17_17-11-27.jpg?fit=630%2C341&ssl=1)
![](https://i0.wp.com/postnews.com.kh/wp-content/uploads/2017/01/photo_2017-01-17_17-11-28.jpg?fit=630%2C381&ssl=1)
![](https://i0.wp.com/domneng.news/wp-content/uploads/2022/08/photo_2022-08-13_15-32-43.jpg?resize=960%2C960&ssl=1)
មតិយោបល់