Post News Media ព័ត៌មានសិល្បៈ និងកម្សាន្ត គង់ ចាន់រដ្ឋា...

គង់ ចាន់រដ្ឋា គ្មានបំណងដណ្តើមតំណែងសិចស៊ីប្រចាំឆ្នាំ

ភ្នំពេញ: តារាចម្រៀង​ គង់ ចាន់រដ្ឋា បានលើកឡើងថា នាងគ្មានបំណងចង់បានតំណែងសិចស៊ីប្រចាំឆ្នាំ​អ្វីនោះទេ តែ​គ្រប់ពេល​ ស្លៀកពាក់ កក្អម និង​អាវប៉ាក គេជ្រេញ​យើងវិញទេ​ ។​

ចូលមកដល់ឆ្នាំ​២០១៦ នេះគង់ ចាន់រដ្ឋា មានយីអ៊ុន​ក្នុងដៃ ដោយតែងតែបង្ហាញវត្តមានលើឆាកការប្រគំតន្ត្រីតាមស្នាដៃទូរទស្សន៍ នានាក្នុងរាជ​ធានីភ្នំពេញ ហើយក៏មានតំណែងជា​អ្នកគ្រប់គ្រង ក្នុងផលិតកម្ម Seven Production ។

លើសពីយីអ៊ុន ដែលកំពុងមាន គង់ ចាន់រដ្ឋា កាន់តែបង្ហាញសម្រស់ស្អាតៗទៅ ជាមួយនឹងការស្លៀកពាក់សិចស៊ី បង្ហាញ​គល់ភ្លៅ និងដើមទ្រូង​មូលក្លំ ធ្វើឲ្យប្រុសៗ​ឃើញហើយ ចង់រកថ្នាំ​បំបាត់​សតិអារម្មណ៍ ស្រើបស្រាល ។​
ការស្លៀកពាក់សិចស៊ីរបស់គង់ ចាន់រដ្ឋា ត្រូវបាន​គេលើកឡើងថា តារាស្រីរូបនេះ កំពុង​ព្យាយាម​ដណ្តើមតំណែង​សិចស៊ី ប្រចាំឆ្នាំ ពីតារាសិចស៊ី​ ដេននី ក្វាន់ ជាក់ជាមិនខាន ។​

ឆ្លើយតបនឹងការលើកឡើងនេះ គង់ ចាន់រដ្ឋា បានថ្លែងប្រាប់ Post News ឲ្យដឹងថា ការស្លៀកពាក់របស់នាងប៉ុណ្ណឹង វាមិនសិចស៊ីនោះទេ ហើយក៏គ្មានបំណងចង់បានកេរ្តិ៍ឈ្មោះ ​តាមរយ: ការស្លៀកពាក់សិចស៊ី នោះដែរ​។​

តារាស្រីដែល​មកពីទឹកដី​អង្គរ ដ៏ស្រស់សោភារូបនេះថា «ខ្ញុំ​គ្មានបំណងចង់ដណើមតំណែងសិចស៊ី ពីតារារូបណាឡើយ ហើយក៏គ្មានបំណងចង់បានតំណែងសិចស៊ីប្រចាំឆ្នាំនោះទេ តែបើខ្ញុំទៅផ្សារ​ ឡើងឆាក និងនៅកន្លែងផ្សេងៗ ក៏កក្អម និងអាវប៉ាក រហូតគេប្រាកដជាសើច និងជ្រេញវិញទេ​ សម័យនេះទៅហើយ​» ។​

តារាស្រីខាងលើ ដែលកំពុងសាងស្នេហ៍ ជាមួយនឹង តារាកូនភ្លោះ បានបន្តថា មិនមែននាង​អត់ស្រឡាញ់ ឈុត​ប្រពៃណីខ្មែរនោះទេ តែការស្លៀកពាក់​យើងមានពេលវេលារបស់យើង ។ ម្យ៉ាងវិញទៀត ការស្លៀកពាក់របស់នាងប៉ុណ្ណឹងមិនសិចស៊ីទេ មិនដូច​តារាផ្សេងៗ ទៀតបញ្ចេញមួយល្វែងខ្លួន​នោះឡើយ ៕​

Kong Chan Rotha (1)

Kong Chan Rotha (2)

Kong Chan Rotha (3)

Kong Chan Rotha (4)

Kong Chan Rotha (5)

Kong Chan Rotha (6)

Kong Chan Rotha (7)

Kong Chan Rotha (8)

Kong Chan Rotha (9)